اسلام آباد سمیت مختلف علاقوں میں گرج چمک کے ساتھ بارش کی پیشگوئی

محکمہ موسمیات کی پیشگوئی

اسلام آباد (ڈیلی پاکستان آن لائن) محکمہ موسمیات نے اسلام آباد سمیت مختلف علاقوں میں گرج چمک کے ساتھ بارش کی پیشگوئی کر دی۔

یہ بھی پڑھیں: گیس کی قیمتیں بڑھنی ہیں، مصدق ملک

موسم کا عمومی حال

محکمہ موسمیات کے مطابق آج ملک کے بیشتر علاقوں میں موسم گرم اور خشک رہنے کا امکان ہے، تاہم بعد از دوپہر کشمیر اور ملحقہ پہاڑی علاقوں میں مطلع جزوی ابر آلود رہنے کے علاوہ چند مقامات پر گرج چمک کے ساتھ بارش کی توقع ہے۔

یہ بھی پڑھیں: ابوبکر طلحہ اور بسمیل ضیا نے ایچیسن کالج جونیئر ٹینس چیمپئن شپ میں ٹائٹل جیت لیے

خصوصی علاقوں میں بارش کی توقع

اسلام آباد میں چند مقامات پر گرج چمک کے ساتھ بارش کا امکان ہے، خطہ پوٹھوہار میں تیز ہواؤں اور گرج چمک کے ساتھ بارش ہونے کی توقع ہے۔ کوہستان، مانسہرہ اور ایبٹ آباد میں بھی چند مقامات پر بارش کا امکان ہے۔

یہ بھی پڑھیں: کیمپنگ کے دوران کام کی تقسیم

سندھ اور بلوچستان کی صورتحال

کراچی، حیدر آباد، ٹھٹھہ، جامشورو اور دادو میں بارش جبکہ بلوچستان کے ساحلی علاقوں میں چند مقامات پر بارش کا امکان ہے، گلگت بلتستان میں موسم گرم اور خشک رہنے کی پیشگوئی کی گئی ہے۔

یہ بھی پڑھیں: پاکستان اور یو اے ای کے درمیان بیف برآمدی معاہدہ طے پا گیا

آزاد کشمیر میں بارش

آزاد کشمیر میں چند مقامات پر بارش ہونے کی توقع ہے۔ گزشتہ چوبیس گھنٹوں کے دوران سندھ اور بلوچستان میں تیز ہواؤں اور گرج چمک کے ساتھ بارش جبکہ بعض مقامات پر موسلادھار بارش بھی ہوئی۔

بارش کی مقدار

کراچی کے علاقے (ڈی ایچ اے (فیز 2) میں سب سے زیادہ بارش 33 ملی میٹر ریکارڈ کی گئی اورماڑہ 30، پسنی 11، لسبیلہ 10 اور گوادر میں 05 ملی میٹر بارش ریکارڈ کی گئی۔