ایشیا کپ 2025: سلمان علی آغا گردن کی تکلیف کے باعث پریکٹس سیشن میں شریک نہیں ہوسکے۔
پاکستان کرکٹ ٹیم کا ٹریننگ سیشن
دبئی(ڈیلی پاکستان آ ن لائن) ایشیا کپ 2025 کی تیاریوں میں مصروف پاکستان کرکٹ ٹیم نے دبئی کے آئی سی سی اکیڈمی میں بدھ کی شام بھرپور ٹریننگ کی۔
یہ بھی پڑھیں: وفاقی بیوروکریسی میں تقرر و تبادلے
کپتان سلمان علی آغا کی حالت
تاہم کپتان سلمان علی آغا گردن کے کھچاؤ (سپاسم) کے باعث مکمل طور پر پریکٹس میں حصہ نہیں لے سکے۔ نجی ٹی وی چینل جیو نیوز کے مطابق، سلمان علی آغا ٹیم کے ہمراہ اکیڈمی تو پہنچے لیکن گردن پر بینڈیج باندھے نظر آئے۔ حرکت کے دوران ان کے چہرے سے درد کے آثار صاف جھلک رہے تھے۔
یہ بھی پڑھیں: بٹھنڈہ میں گرنے والے رافیل کی نئی ویڈیو آگئی، بھارتیوں نے گروک سے پوچھا تو کیا جواب ملا؟
کھلاڑیوں کی پریکٹس
کھلاڑیوں نے وارم اپ کے دوران سٹریچنگ اور فٹبال کے ذریعے اپنی تیاری جاری رکھی مگر کپتان نے احتیاط برتی اور مشقت سے گریز کیا۔
یہ بھی پڑھیں: آج کل لڑکیوں کی زبانیں بہت لمبی ہیں، شوہروں سے کنٹرول میں رہ کر بات کریں: اسما عباس
پی سی بی کی وضاحت
پی سی بی کے میڈیا منیجر کے مطابق، سلمان علی آغا کو گردن میں صرف ہلکا سپاسم ہے اور فٹنس کے حوالے سے کوئی بڑا خدشہ نہیں۔ انہوں نے وضاحت کی کہ کپتان نے ٹریننگ سیشن احتیاطاً نہیں کیا لیکن جلد ہی وہ ٹیم کے ساتھ بھرپور انداز میں ٹریننگ کریں گے۔
مستقبل کے میچز
ٹیم مینجمنٹ کو امید ہے کہ سلمان علی آغا آئندہ میچز کے لیے مکمل طور پر دستیاب ہوں گے۔
