اگست 2025 میں گاڑیوں کی فروخت میں سالانہ بنیاد پر 62 اور ماہانہ بنیاد پر 28 فیصد اضافہ

پاکستان آٹو موٹیو مینو فیکچررز ایسوسی ایشن کی رپورٹ

اسلام آباد (ڈیلی پاکستان آن لائن) پاکستان آٹو موٹیو مینو فیکچررز ایسوسی ایشن کا کہنا ہے کہ اگست 2025 میں گاڑیوں کی فروخت میں سالانہ بنیاد پر 62 فیصد اور ماہانہ بنیاد پر 28 فیصد اضافہ ہوا ہے۔

یہ بھی پڑھیں: کوئی مسافر کھانا، پانی یا چہل قدمی کے لیے نیچے اترا ہو اور گاڑی کی روانگی تک اپنے ٹھکانے پر واپس نہ پہنچ سکا ہو تو زنجیر کھینچنے کے سوا کوئی چارہ نہیں ہوتا۔

فروخت کے اعداد و شمار

سما ٹی وی کے مطابق اعداد و شمار میں بتایا گیا ہے کہ اگست 2025 ء میں 14 ہزار 50 گاڑیاں فروخت ہوئیں۔ مالی سال 26 ء کے پہلے 2 ماہ میں گاڑیوں کی فروخت میں سالانہ 45 فیصد اضافہ ہوا، جس کے نتیجے میں 25 ہزار 93 گاڑیاں فروخت ہوئیں۔

مختلف اقسام کی گاڑیوں کی فروخت

اگست 2025 ء میں ٹرکوں کی فروخت میں سالانہ 139 فیصد اضافہ دیکھنے میں آیا، جس کے تحت 596 یونٹس فروخت ہوئے۔ دوسری جانب، اگست میں ٹریکٹرز کی فروخت سالانہ 63 فیصد کم ہوکر 996 یونٹس تک پہنچ گئی۔