5 اکتوبر احتجاج کیس: علیمہ خان اور عظمیٰ خان کی عبوری ضمانت میں توسیع

انسداد دہشت گردی عدالت کا فیصلہ

لاہور(ڈیلی پاکستان آن لائن) انسداد دہشت گردی عدالت لاہور نے 5 اکتوبر پولیس پر مبینہ تشدد اور جلاؤ گھیراؤ کیس میں علیمہ خان اور عظمیٰ خان کی عبوری ضمانت میں توسیع کر دی۔

یہ بھی پڑھیں: سب مل کر سیلاب زدگان کی مدد کریں، قائمقام چیئرمین سینیٹ

سماعت کی تفصیلات

نجی ٹی وی چینل دنیا نیوز کے مطابق سماعت اے ٹی سی کے جج منظر علی گل نے بانی پی ٹی آئی کی بہنوں علیمہ خان اور عظمیٰ خان کی عبوری ضمانت کی درخواستوں پر سماعت کی۔

یہ بھی پڑھیں: سندھ میں مہمان پرندوں کا سروے مکمل، تعداد تقریباً ساڑھے 5 لاکھ ریکارڈ

حاضری معافی کی درخواست

سماعت کے دوران علیمہ خان اور عظمیٰ خان کی جانب سے ایک روزہ حاضری معافی کی درخواست جمع کروائی گئی۔

درخواست میں مؤقف اختیار کیا گیا کہ علیمہ خان اور عظمیٰ خان اسلام آباد میں ہیں جہاں بانی پی ٹی آئی سے ملاقات اور کیس کی سماعت کے سلسلے میں گئی ہوئی ہیں۔

سماعت کی ملتوی ہونے کا اعلان

بعدازاں عدالت نے مقدمہ کا ریکارڈ پیش نہ ہونے پر سماعت 17 اکتوبر تک ملتوی کر دی اور دونوں کی عبوری ضمانت میں بھی اسی تاریخ تک توسیع کر دی۔ ساتھ ہی دونوں کی عدالت سے حاضری معافی کی درخواست بھی منظور کر لی。