منی بجٹ کے خدشات، نیا ٹیکس لگائے جانے کا امکان، آئی ایم ایف سے اجازت طلب

نیا ٹیکس لگانے کی درخواست

اسلام آباد (آئی این پی) وفاقی حکومت نے آئی ایم ایف سے نئے ٹیکس لگانے کی اجازت مانگ لی ہے۔ منی بل کے ذریعے نیا ٹیکس لگانے کا امکان ظاہر کیا جا رہا ہے۔

یہ بھی پڑھیں: بھارتی سپانسرڈ دہشتگردوں کی ہر سازش کو ناکام بنایا جائے گا: محسن نقوی

منی بجٹ کی تیاری

نجی ٹی وی رپورٹ کے مطابق، منی بجٹ کے خدشات منڈلا رہے ہیں جبکہ اسلام آباد میں میونسپل ٹیکس کی تیاریاں بھی شروع کی گئی ہیں۔ ذرائع نے بتایا ہے کہ ممکنہ منی بجٹ میں نیا ٹیکس لگانے کی تجویز ہے۔ یہ نیا ٹیکس جناح میڈیکل کمپلیکس کی تعمیر کے لیے لگایا جا سکتا ہے۔ وفاقی حکومت نے این 25 شاہراہ کے بعد ایک اور منصوبے کے لیے نیا ٹیکس لگانے کی تجویز دی ہے اور آئی ایم ایف سے اسلام آباد میں نیا ٹیکس لگانے کی اجازت مانگ لی ہے۔ میونسپل ٹیکس لگا کر اسلام آباد میں میڈیکل کمپلیکس کی تعمیر مکمل کی جائے گی۔

یہ بھی پڑھیں: ترک خاتون اوّل کی خصوصی دعوت ،وزیراعلیٰ مریم نواز ترکیہ کا دورہ کریں گی

فنڈنگ اور مالی مشکلات

ذرائع کا کہنا ہے کہ آئی ایم ایف نے پاکستان کی نئے ٹیکس کی درخواست پر مزید تفصیلات طلب کر لی ہیں۔ اسلام آباد میں تعمیر ہونے والے میڈیکل کمپلیکس کی لاگت 213 ارب روپے آئے گی، حکومت کو 3 سالوں میں منصوبہ مکمل کرنے کے لیے مالی وسائل میں مشکلات کا سامنا ہے۔

ذرائع نے مزید بتایا ہے کہ حکومت منصوبے کے لیے ہنگامی فنڈ سے 30 ارب روپے فوری جاری کرنے پر غور کر رہی ہے۔ وفاقی وزیر احسن اقبال نے بتایا ہے کہ منصوبے کی پی ایس ڈی پی سی باہرسے فنڈنگ کی تجویز دیں گے۔ متبادل ذرائع میں ضمنی گرانٹس یا دوسرے منصوبوں کے فنڈز منتقل کرنا شامل ہے، وزارت خزانہ میڈیکل کمپلیکس منصوبے کو پی ایس ڈی پی کا حصہ بنانا چاہتی ہے۔

پانڈا بانڈز کی ممکنہ فنڈنگ

ذرائع کے مطابق، حکومت 76 ملین ڈالر کے پانڈا بانڈز کے ممکنہ منافع کو بھی منصوبے پر لگانے پر غور کر رہی ہے۔ حکومت نے ابتدائی طور پر منصوبے کے لیے 3.5 ارب روپے فراہم کر رکھے ہیں، جو جناح میڈیکل کمپلیکس کمپنی کے قیام اور عملے کی بھرتی پر خرچ ہوں گے۔