وفاقی وزیر مواصلات عبدالعلیم خان کو ریلوے میں جاری اصلاحات اور اقدامات پر تفصیلی بریفنگ

وزیر مواصلات کا دورہ

لاہور( ڈیلی پاکستان آن لائن) وفاقی وزیر مواصلات عبد العلیم خان نے گذشتہ روز پاکستان ریلوے ہیڈکوارٹرز لاہور کا دورہ کیا جہاں اُنہوں نے وزیر ریلوے محمد حنیف عباسی سے ملاقات کی۔ اس موقع پر دونوں وزراء نے ریلوے اصلاحات اور جاری ترقیاتی منصوبوں کے حوالے سے مشترکہ اجلاس کی صدارت بھی کی۔

یہ بھی پڑھیں: نومبر کیسز میں فواد چوہدری کی دستاویزات فراہم کرنے کی درخواست مسترد

ریلوے کی اصلاحات پر بریفنگ

وزیر ریلوے محمد حنیف عباسی نے وفاقی وزیر مواصلات کو ریلوے میں جاری اصلاحات اور اقدامات پر تفصیلی بریفنگ دی۔ وفاقی وزیر مواصلات نے وزیر ریلوے کی کوششوں کو سراہتے ہوئے کہا کہ ریلوے اسٹیشنوں کے فوڈ پوائنٹس پر فوڈ اتھارٹیز کی انسپکشن ایک قابلِ تقلید اقدام ہے۔

یہ بھی پڑھیں: سپیشل ہیروز کی حوصلہ افزائی اور معاونت کرنا اجتماعی ذمہ داری ہے: مریم نواز

انفراسٹرکچر کی بہتری

وزیر ریلوے نے کہا کہ ریلوے انفراسٹرکچر کی بہتری کے لیے صوبائی حکومتوں کے ساتھ شراکت داری کی جا رہی ہے۔ آٹومیشن ریلوے کا بنیادی مشن ہے اور اس مقصد کے حصول کے لیے ہر ممکن کوشش کی جائے گی۔

یہ بھی پڑھیں: فضا علی کو شو میں انتہائی بولڈ لباس پہننا مہنگا پڑ گیا، ہنگامہ برپا

ملازمین کی محنت کا اعتراف

وزیر ریلوے نے ریلوے ملازمین کی محنت اور قربانیوں کو خراجِ تحسین پیش کرتے ہوئے کہا کہ بدترین سیلاب کے باوجود ریلوے کی مین لائن ون ایک دن کے لیے بھی بند نہیں ہوئی۔ اُنہوں نے یہ بھی بتایا کہ کراچی میں دو لاؤنجز تعمیر کیے جا رہے ہیں جن کا افتتاح اکتوبر میں کیا جائے گا۔

وزیر مواصلات کی تجاویز

وفاقی وزیر مواصلات عبد العلیم خان نے ریلوے ریفارمز کے حوالے سے تجاویز بھی پیش کیں جن کا وزیر ریلوے نے خیر مقدم کیا۔ بعد ازاں، وزیر مواصلات نے وزیر ریلوے کے ہمراہ لاہور ریلوے اسٹیشن کا دورہ کیا اور مسافروں کے لیے فراہم کی گئی سہولیات کا جائزہ لیا۔ اس موقع پر وفاقی وزیر نے ریلوے انتظامیہ کے اقدامات کو سراہا۔