بھارتی اداکارہ دیشا پٹانی کے گھر پر فائرنگ

فائرنگ کا واقعہ

ممبئی (ڈیلی پاکستان آن لائن) بالی ووڈ اداکارہ دیشا پٹانی کے گھر کے باہر فائرنگ کا واقعہ پیش آیا، جس کی ذمہ داری روہت گودارا گولڈی برار گروہ نے قبول کرلی ہے۔ حملہ آوروں نے ان کی بہن کو سبق سکھانے کی دھمکی بھی دی۔

یہ بھی پڑھیں: خودترسی نقصان دہ ہے، اپنے مصائب اور مشکلات پر مو ردالزام ٹھہرانے کیلیے آپ کو بہت سے قربانی کے بکرے مہیا ہو جاتے ہیں

واقعے کی تفصیلات

بھارتی میڈیا کے مطابق اتر پردیش کے ضلع بریلی میں مشہور اداکارہ دیشا پٹانی کے گھر کے باہر ان کے والد پر فائرنگ کی گئی ہے، جس میں وہ محفوظ رہے۔ گولڈی برار گروہ نے حملے کی ذمہ داری قبول کرتے ہوئے سوشل میڈیا پر بتایا کہ دیشا پٹانی کی بہن خوشبو پٹانی نے ان کے روحانی رہنماؤں کے بارے میں توہین آمیز بیان دیا تھا، جس کی وجہ سے یہ حملہ کیا گیا ہے۔

دھمکی اور ردعمل

گروہ نے دھمکی دی کہ 'آئندہ ایسا کیا گیا تو بالکل بھی نہیں بخشا جائے گا۔' دیشا اور ان کی بہن خوشبو کی جانب سے اس واقعے پر تاحال کوئی بیان جاری نہیں کیا گیا، جبکہ اداکارہ کی بہن کا کہنا تھا کہ ان کے الفاظ کو سیاق و سباق سے ہٹ کر پھیلا گیا ہے۔