سینیٹ کی قائمہ کمیٹی قانون نے دیت کی رقم 36 کلو چاندی سے بڑھا کر 45 کلو چاندی کرنے کی منظوری دیدی
سینیٹ قائمہ کمیٹی کا فیصلہ
اسلام آباد(ڈیلی پاکستان آن لائن )سینیٹ قائمہ کمیٹی قانون نے دیت کی رقم 36 کلو چاندی سے بڑھا کر 45 کلو چاندی مقرر کرنے کی منظوری دے دی۔
یہ بھی پڑھیں: بانی پی ٹی آئی کے ایکس اکاونٹ بند کرنے پر فریقین سے حتمی دلائل طلب
اجلاس کی تفصیلات
سینیٹر فاروق ایچ نائیک کی زیرِ صدارت قائمہ کمیٹی قانون و انصاف کا اجلاس ہوا۔ اجلاس میں تعزیرات پاکستان ترمیمی بل زیر بحث آیا، جس پر چیئرمین کمیٹی نے کہا کہ دیت کی تعین میں افراطِ زر کے اُتار چڑھاؤ کو پیشِ نظر رکھنا ناگزیر ہے۔
یہ بھی پڑھیں: ایف بی آر نے ٹیکس گوشوارے جمع کرانے کی تاریخ میں مزید توسیع کر دی
سینیٹرز کی آراء
Sینیٹر ثمینہ زہری نے رائے دی کہ سونا بلند قیمت پر ہے، کل کو شاید کرپٹو کرنسی رائج ہو، لہٰذا دیت کی رقم میں وقت اور حالات کے تقاضوں کے مطابق اضافہ لازم ہے۔ سینیٹر کامران مرتضیٰ نے کہا کہ ایک ڈرائیور ہماری خدمت میں لگا رہتا ہے مگر دِل پر ہاتھ رکھ کر بتائیے کہ ہم میں سے کون اپنے ہی ڈرائیور کو ایک کروڑ روپیہ دیت کے طور پر ادا کرے گا؟
یہ بھی پڑھیں: مون سون بارشوں کے نتیجے میں برساتی نالے سے صدیوں پرانی نوادرات نکل آئیں
کونسل کی خاموشی پر افسوس
سینیٹر شہادت اعوان نے اسلامی نظریاتی کونسل کی خاموشی پر افسوس کا اظہار کرتے ہوئے کہا یہ ہمارے لیے باعثِ افسوس ہے کہ کونسل اس اہم معاملے میں اپنی رائے کمیٹی کے سامنے پیش نہیں کر رہی۔ انہوں نے تجویز دی کہ ’دیت میں اضافہ صرف چاندی کی مقدار میں ہونا چاہیے جبکہ سونے کو موجودہ صورت پر ہی برقرار رکھا جائے۔
یہ بھی پڑھیں: مہنگا جیٹ فیول، پی آئی اے نے تمام رعایتیں ختم اور متعدد بین الاقوامی روٹس معطل کرنے کا اعلان کردیا
مزید تجاویز
سینیٹر عبدالقادر نے اپنی رائے پیش کرتے ہوئے کہا کہ دیت کے لیے چاندی کی مقدار 36 ہزار گرام سے بڑھا کر 50 فیصد زیادہ کر دی جائے۔ وزارتِ قانون کے ایڈیشنل سیکرٹری نے وضاحت کی کہ دیت کی رقم ہر سال مہنگائی کے تناسب سے بڑھائی جاتی ہے، اصل مسئلہ اس کے عملی نفاذ کا ہے۔
کمیٹی کا حتمی فیصلہ
وزارتِ داخلہ نے بھی وزارتِ قانون کے موقف کی تائید کی لیکن کمیٹی کے ممبران کی اکثریت نے دیت میں چاندی کے تناسب کو بڑھانے پر اتفاق کیا اور سینیٹ قائمہ کمیٹی نے دیت کی رقم 45 ہزار گرام چاندی مقرر کرنے کی منظوری دی۔
