پختونخوا: فورسز کے آپریشنز میں فتنہ الہندوستان کے 35 دہشتگرد ہلاک، 12 جوان شہید

سیکیورٹی فورسز کا بڑا آپریشن

راولپنڈی (ڈیلی پاکستان آن لائن) سیکیورٹی فورسز نے خیبر پختونخوا کے مختلف علاقوں میں آپریشنز کے دوران فتنہ الہندوستان کے 35 دہشت گردوں کو جہنم واصل کر دیا۔ اس کارروائی کے نتیجے میں 12 جوانوں نے بھی جام شہادت نوش کیا۔

یہ بھی پڑھیں: مشرقِ وسطیٰ میں جنگ، ماحولیاتی خطرات سے متعلق 300 سے زائد واقعات ریکارڈ، خلیج کی آبی حیات اور پرندوں کو بھی خطرہ

آپریشن کی تفصیلات

پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز نے 10 سے 13 ستمبر تک خیبر پختونخوا میں دو مختلف آپریشنز کیے، جس میں خوارج کے ٹھکانوں کو مؤثر انداز میں نشانہ بنایا گیا۔ آپریشنز کے نتیجے میں بھارتی پراکسی فتنہ الخوارج کے 35 دہشت گرد ہلاک ہوئے، اور ان ہلاک شدگان کے قبضے سے اسلحہ اور گولہ بارود بھی برآمد کیا گیا۔

یہ بھی پڑھیں: پاکستان وائٹ بال ٹیم کے ہیڈکوچ گیری کرسٹن مستعفی ہو گئے

انٹیلی جنس بیسڈ آپریشنز

آئی ایس پی آر کے مطابق فورسز نے باجوڑ میں خوارج کی موجودگی کی اطلاع پر انٹیلی جنس بیسڈ آپریشن کیا۔ اس شدید فائرنگ کے تبادلے میں بھارتی سرپرستی میں کام کرنے والے 22 خوارج مارے گئے۔ سیکیورٹی فورسز نے وزیرستان میں بھی کارروائی کی، جس میں مزید 13 خوارج ہلاک ہوئے جو متعدد دہشت گرد کارروائیوں میں ملوث تھے۔