دہلی ہائیکورٹ نے اے آئی پلیٹ فارمز کو بالی ووڈ اداکارہ ایشوریا رائے کی تصاویر، نام اور آواز کو بغیر اجازت استعمال کرنے سے روک دیا

ہائی کورٹ کا فیصلہ

نئی دہلی (ڈیلی پاکستان آن لائن) ہائی کورٹ نے بالی ووڈ اداکارہ ایشوریا رائے بچن کی شناخت کے حقوق کو تسلیم کرتے ہوئے ان کی درخواست پر متعدد آرٹیفیشل انٹیلی جنس (اے آئی) پلیٹ فارمز کو ان کی تصاویر اور ویڈیوز استعمال کرنے سے روک دیا۔

یہ بھی پڑھیں: راولپنڈی، پی ٹی آئی رہنما شہریار ریاض کے گھر پولیس کا چھاپہ

ویتہ خائی شکایت

ایشوریا رائے نے کچھ دن قبل عدالت میں درخواست دیتے ہوئے استدعا کی تھی کہ اے آئی پلیٹ فارمز کو ان کی تصاویر، نام اور آواز کو اجازت کے بغیر استعمال کرنے سے روکا جائے، ان کی تصاویر کو ایڈٹ کرکے فحش انداز میں شیئر کیا جا رہا ہے۔

یہ بھی پڑھیں: لانگ مارچ کا معاملہ، وزیر مملکت طلال چوہدری کی منصورہ آمد، جماعت اسلامی سے کیا کچھ طے پایا؟ اہم تفصیلات سامنے آگئیں

عدالت کی ہدایات

عدالت نے ان کی درخوست پر ان کے نام، آواز اور تصاویر کے غیر مجاز کمرشل اور آن لائن استحصال کے خلاف سخت ہدایات جاری کرتے ہوئے کہا کہ عدالتوں کو شخصیات کے حقوق کے غیر مجاز استعمال کو نظر انداز نہیں کرنا چاہیے۔

یہ بھی پڑھیں: عالمی برادری فوری طور پر بھارت کو جارحیت سے روکے، پاکستان نے اقوام متحدہ کی ثالثی کی حمایت کردی

پیشہ ورانہ استعمال پر پابندی

بھارتی نشریاتی ادارے ’دی ہندو‘ کے مطابق جسٹس تیجس کاریا نے فیصلہ سناتے ہوئے کہا کہ کسی مشہور شخصیت کی شناخت کا بغیر اجازت استعمال نہ صرف مالی نقصان کا باعث بنتا ہے بلکہ ان کے رازداری اور عزت کے حق کو بھی متاثر کرتا ہے۔جب کسی مشہور شخصیت کی شناخت کو ان کی رضامندی یا اجازت کے بغیر استعمال کیا جاتا ہے تو اس سے نہ صرف متعلقہ فرد کو مالی نقصان ہوتا ہے بلکہ ان کے باعزت زندگی گزارنے کے حق پر بھی اثر پڑتا ہے۔

یہ بھی پڑھیں: فیلڈ مارشل عاصم منیر نے ملک و قوم کے لیے قابلِ قدر خدمات انجام دیں: وزیر اعلیٰ مریم نواز

عبوری حکم

عبوری حکم میں عدالت نے مختلف ملزمان کو ایشوریا رائے کے نام، تصویر، یا شخصیت سے متعلق کوئی بھی مصنوعات جیسے کہ ٹی شرٹس، مگ، پوسٹرز یا ڈیجیٹل مواد بنانے، شیئر کرنے یا فروخت کرنے سے روک دیا۔

یہ بھی پڑھیں: برسلز میں سہیل وڑائچ موجود تھے، انہوں نے اپنے تجسس پر کالم لکھا لیکن وی لاگ اور پوڈ کاسٹ سے بات بڑھائی گئی، راناثنااللہ

ڈیجیٹل ہیر پھیر پر پابندی

عدالت نے مصنوعی ذہانت، ڈیپ فیک ٹیکنالوجی، چہرے کی تبدیلی یا کسی بھی ڈیجیٹل ہیر پھیر کے ذریعے بنا اداکارہ کے حوالے سے مواد بنانے سے بھی پلیٹ فارمز اور اداروں کو روک دیا۔

یہ بھی پڑھیں: یورپ میں ٹیکسٹائل کارخانوں پر قبضے کی جنگ، اٹلی میں چینی جوڑے کو گولیاں مار کر قتل کردیا گیا

ابھیشیک بچن کی درخواست

اسی عدالت میں ایشوریا رائے کے شوہر ابھیشیک بچن کی ایک درخواست بھی زیر سماعت ہے، جس میں انہوں نے اپنی تصویر، شخصیت، اور جعلی ویڈیوز کے غیر مجاز استعمال کے خلاف اپنے تشہیری اور شخصیت کے حقوق کے تحفظ کا مطالبہ کیا ہے۔

گزشتہ شواہد

عدالت نے ابھیشیک بچن کی درخواست پر بھی تمام شواہد طلب کر رکھے ہیں اور کہا ہے کہ اداکار کی درخواست پر بھی جلد حکم نامہ جاری کیا جائے گا.