بھائی جان ہمیشہ اُن کا کام کرتے جن سے کوئی فائدہ ہو، مشکل میں ماں باپ کے علاوہ صرف سایہ ہی ساتھ رہتا ہے یا کوئی مخلص غریب دوست

مصنف کا تعارف

مصنف: شہزاد احمد حمید
قسط: 288

یہ بھی پڑھیں: کسی بھی ہسپتال میں رات کے وقت ڈاکٹر یا ذمہ دار افسر کی غیر موجودگی ہرگز قابلِ قبول نہیں، خواجہ عمران نذیر

ماڈل ٹاؤن کلب کی داستان

میں ماڈل ٹاؤن کلب کا اعزازی سیکرٹری تھا۔ ابرار بھائی کلب کے صدر تھے، اور حسن نثار بھائی تقریباً روز ہی آتے تھے۔ ان دونوں کی یاری بے مثال تھی۔ ایک روز میں کلب میں بہت تنگ اور اوازار بیٹھا ابرار بھائی سے اپنی مشکلات کی کہانی بیان کر رہا تھا۔ اتنے میں حسن بھائی اور کالم نگار ہارون الرشید صاحب بھی آ گئے۔

یہ بھی پڑھیں: کراچی، گھریلو جھگڑے پر شوہر نے بیوی کو ذبح کر دیا،ملزم آلہ قتل سمیت گرفتار

سفارش کا معاملہ

ابرار بھائی نے حسن بھائی سے میری پوسٹنگ کی بات کی۔ وہ ایسے معاملات میں دخل اندازی نہیں کرتے تھے۔ ابرار بھائی کے اصرار پر انہوں نے ہارون الرشید صاحب سے کہا "اگر وہ کچھ کر سکتے تھے۔" ہمارے ایک ایڈیشنل سیکرٹری غالباً اطہر شمیم ان کے واقف کار تھے۔ کہنے لگے؛ "کل میں آپ کے ساتھ جاؤں گا۔ امید ہے کام ہو جائے گا۔"

یہ بھی پڑھیں: پاکستان بار کونسل کے انتخابات، احسن بھون گروپ نے حامد خان گروپ کو شکست دے دی

مرہم یا امتحان؟

یہ سن کر حسن بھائی بولے؛ "کم تکر ای گل رکھیں۔" وہ مسکرا دئیے۔ ان کی یہ بات میرے تو اوپر سے ہی نکل گئی تھی۔ بہرحال اگلے روز وہ میرے ساتھ گئے، ایڈیشنل سیکرٹری صاحب سے سفارش بھی کی لیکن میری قسمت میں ابھی اور امتحان باقی تھا۔ واپسی پر مجھے ان کی فرمائش پر "غلام رسول" کے چنے کھلانے پڑے۔ سستے زمانے میں بھی جیب میں پیسے نہ ہوں تو ہر شے مہنگی ہی لگتی ہے۔ انہوں نے "بوٹی والے" اور میں نے سادہ چنے کھائے۔ میری جیب میں یہ پیسے بھی ادھار کے ہی تھے۔

یہ بھی پڑھیں: صدر زرداری کو ہسپتال سے ڈسچارج کر دیا گیا

معزز ملاقاتی

ماڈل ٹاؤن کلب کے ایک ممبر محمد خاں لغاری (یہ ریٹائرڈ اسسٹنٹ کمشنر اور ملتان کے رہنے والے تھے) ان کے ہمارے سپیشل سیکرٹری یوسف نسیم کھوکھر سے خاندانی مراسم تھے۔ میں نسیم کھوکھر (یہ بعد میں وزیر اعلی پنجاب کے سیکرٹری اور پھر وفاقی سیکرٹری داخلہ بھی رہے) سے ملا۔ وہ اچھی طرح پیش آئے اور مجھے اپنے دوست ڈی سی او شیخوپورہ خسرو پرویز خاں کے پاس بھیج دیا۔

یہ بھی پڑھیں: سیکرٹری داخلہ پنجاب کا پروبیشن اینڈ پیرول سروس ہیڈکوارٹرز کا دورہ، ڈی جی کمپلیکس کا افتتاح کیا

تعیناتی کی آفر

(خسرو پرویز صاحب؛ بڑی بڑی مونچھیں، گورا چٹا رنگ، بارعب اور خاندانی انسان۔ جب میں منسٹر لوکل گورنمنٹ کا سٹاف افسر تھا تو یہ کچھ عرصہ سپیشل سیکرٹری بلدیات بھی رہے تھے۔ جب میں کھاریاں تھا تو ان کے بڑے بھائی مسعود پرویز خاں کھاریاں کینٹ میں کنٹونمنٹ افسر بھی رہے تھے۔) انہوں نے مجھے ایڈمن افسر کی پوسٹ پر تعیناتی کی آفر کی۔ آیا تو دل میں سوچا، تین بسیں بدل کر یہاں پہنچوں گا، خرچہ بھی کافی ہوگا، آدھی تنخواہ آنے جانے میں ہی لگ جائے گی اور تکلیف علیحدہ سے ہو گی۔ کچھ اور انتظار کر لو۔ ویسے بے بسی بھی دنیا کا بڑا curse ہے۔

یہ بھی پڑھیں: دادا انبالہ اور پانی پت کے اسکولوں میں پڑھا چکے تھے، مردان خانے میں ملنے والوں کا تانتا بندھا رہتا جن میں ہندو، سکھ، مسیحی اور نچلی ذاتوں کے لوگ شامل تھے۔

ماں کی دعائیں

میں نے ان کا شکریہ ادا کرتے معذرت کر کے ایک اور حماقت کر لی تھی۔ ڈی جی کو ترس آ ہی گیا؛ خیر امی جی کئی بار بھائی جان بوبی سے کہہ چکی تھیں کہ "اس کی پوسٹنگ کے لئے ڈائریکٹر جنرل بلدیات سے بات کرو لیکن وہ بات گول کر جاتے تھے۔" بھائی جان بوبی ہمیشہ اُن کا کام کرتے جن سے انہیں کوئی فائدہ ہو سکتا تھا۔ مشکل میں ماں باپ کے علاوہ صرف سایہ ہی ساتھ رہتا ہے یا کوئی مخلص غریب دوست۔ یہ میرا آزمودہ ہے۔ (جاری ہے)

نوٹ

یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔