پاکستان اور بھارت کے ہائی وولٹیج میچ سے قبل دبئی پولیس کی کرکٹ شائقین کو سخت وارننگ

دبئی میں سخت اقدامات

دبئی (ڈیلی پاکستان آن لائن) ایشیاء کپ 2025ء کے دوران بد زبان، پرتشدد اور نسل پرستانہ جملے کسنے والے کرکٹ فینز کو 1 سے 3 ماہ کی قید کا سامنا کرنا پڑ سکتا ہے، اور انہیں 23 لاکھ روپے تک کا جرمانہ بھی عائد کیا جا سکتا ہے۔

یہ بھی پڑھیں: منجھے ہوئے زیرک اور مدبر بزرگوں کا تحرک ہی ہے جو قوم کے نوجوانوں کے سامنے قوم کے مصائب و مشکلات اور ان کے حل کا لا ئحہ عمل پیش کرتا ہے

پولیس کی وارننگ

ایشیاء کپ میں پاکستان اور بھارت کے ہائی وولٹیج میچ سے قبل دبئی پولیس نے کرکٹ شائقین کو واضح اور سخت وارننگ جاری کی ہے۔ پولیس حکام نے تاکید کی ہے کہ اسٹیڈیم میں کسی قسم کا تشدد، بد زبانی یا نسل پرستانہ رویہ ہرگز برداشت نہیں کیا جائے گا۔

یہ بھی پڑھیں: میرا گاؤں سیلاب میں ڈوب گیا، سات سال سے چیخ رہا ہوں کہ میرا گاؤں کٹاؤ کی زد میں ہے، میری کسی نے بات نہیں سنی، پیپلزپارٹی کے رہنما حسن مرتضیٰ گفتگو کرتے ہوئے جذباتی ہوگئے۔

سزاوں کی تفصیلات

دبئی پولیس کے ایونٹس سیکیورٹی کمیٹی کے چیئرمین میجر جنرل سیف محیر المزروعی کے مطابق، تشدد یا بدزبانی کرنے والوں کے لئے 1 سے 3 ماہ قید اور 10 سے 30 ہزار درہم جرمانے کا سامنا کرنا پڑے گا۔ یہ جرمانہ پاکستانی کرنسی میں تقریباً ساڑھے 7 لاکھ سے 23 لاکھ روپے بنتا ہے۔

شائقین کے لئے مشورہ

دبئی پولیس نے شائقین کو مشورہ دیا ہے کہ وہ کھیل کے دوران مثبت اور مہذب رویہ اپنائیں۔ خلاف ورزی کرنے والوں کے خلاف فوری قانونی کارروائی کی جائے گی تاکہ اسٹیڈیم کے ماحول اور شائقین کی حفاظت کو یقینی بنایا جا سکے۔