نواز شریف غیر ملکی ایئرلائن کے ذریعے لاہور سے لندن روانہ

نواز شریف کی روانگی

لاہور(ڈیلی پاکستان آن لائن) سابق وزیراعظم میاں محمد نواز شریف غیر ملکی ایئرلائن کے ذریعے لاہور سے لندن روانہ ہو گئے۔

یہ بھی پڑھیں: عمران خان کی ضمانت کی درخواستوں پر آئندہ تاریخ پر حکام سے تمام مقدمات کا مکمل ریکارڈ طلب

تفصیلات

نجی ٹی وی چینل ایکسپریس نیوز کے مطابق خاندانی ذرائع کا کہنا ہے کہ پاکستان مسلم لیگ ن کے صدر اور سابق وزیراعظم آج جاتی امرا رائیونڈ سے علامہ اقبال انٹرنیشنل ایئرپورٹ پہنچے، جہاں سے وہ غیر ملکی ایئرلائن قطر ایئرویز کی پرواز کے ذریعے لندن روانہ ہوئے۔

یہ بھی پڑھیں: پنجاب میں طبی عملے کی چھٹیوں سے متعلق نئی پالیسی متعارف کروا دی گئی

دورے کی مدت

قبل ازیں جاتی امرا رائیونڈ میں نواز شریف کی روانگی کی تمام تر تیاریاں مکمل کی گئیں۔ ذرائع کے مطابق نواز شریف کا لندن میں قیام تقریباً 2 ہفتے طویل ہونے کا امکان ہے۔ نواز شریف لندن میں اپنا معمول کا طبی معائنہ بھی کروائیں گے۔

یہ بھی پڑھیں: پاکستان نے بھارت کے لیے فضائی حدود بندش میں مزید ایک ماہ توسیع کردی

صحت کی رپورٹ

یاد رہے کہ نواز شریف نے کچھ روز قبل پنجاب انسٹی ٹیوٹ آف نیوروسائنسز میں اپنا چیک اپ بھی کروایا تھا، جہاں ان کی گردن کی ایم آر آئی بھی کی گئی تھی۔ نواز شریف کو پٹھوں میں درد کی شکایت سامنے آئی تھی۔

پچھلے دورے کا حوالہ

اس سے قبل نواز شریف رواں سال جون میں لندن گئے تھے۔