کراچی: ایک گھنٹے کے دوران تین ٹریفک حادثات، خاتون سمیت 4 افراد جاں بحق
کراچی میں ٹریفک حادثات کا سلسلہ جاری
کراچی(ڈیلی پاکستان آن لائن) کراچی میں ٹریفک حادثات کا سلسلہ نہ تھم سکا، صرف ایک گھنٹے کے دوران مختلف علاقوں میں پیش آنے والے تین حادثات میں خاتون سمیت 4 افراد جاں بحق جبکہ 2 زخمی ہوگئے۔
یہ بھی پڑھیں: برڈ فلو کے عالمی وبا بننے کا خدشہ، ایسی کیا تبدیلی آئی کہ پرندوں کا یہ وائرس انسانوں میں منتقل ہوسکتا ہے؟ سائنسدان سر پکڑ کر بیٹھ گئے۔
پہلا حادثہ: لانڈھی ہسپتال چورنگی
نجی ٹی وی چینل دنیا نیوز کے مطابق پولیس حکام کے مطابق لانڈھی ہسپتال چورنگی کے قریب تیز رفتار واٹر ٹینکر نے موٹر سائیکل کو ٹکر مار دی، حادثے میں ماں اور بیٹا موقع پر ہی جاں بحق ہوگئے جبکہ دوسرا بیٹا زخمی ہوگیا۔ جاں بحق افراد کی شناخت رئیسہ اور ارمان جبکہ زخمی کی شناخت حسنین کے نام سے ہوئی ہے۔
یہ بھی پڑھیں: چند ماہ قبل 10 کروڑ روپے کا گاڑی کا نمبر خریدنے والے مزمل کریم پراچہ انتقال کر گئے۔
دوسرا حادثہ: ناردرن بائی پاس
دوسرا حادثہ ناردرن بائی پاس پر پیش آیا جہاں ڈمپر نے موٹر سائیکل کو روند ڈالا، حادثے میں شہباز نامی نوجوان جاں بحق جبکہ داؤد زخمی ہوگیا۔
یہ بھی پڑھیں: سیکٹر ای الیون میں زمین خردبرد کے معاملے پر نیب تحقیقات کیخلاف کیس، جسٹس انعام امین منہاس کی کیس سننے سے معذرت
تیسرا حادثہ: ڈیفنس فیز 8
تیسرا واقعہ کراچی کے علاقے ڈیفنس فیز 8 کریک ویسٹا کے قریب پیش آیا، جہاں تیز رفتار گاڑی نے موٹر سائیکل کو ٹکر مار دی، حادثے میں یار جان نامی موٹر سائیکل سوار جاں بحق ہوگیا۔
پولیس کی کارروائی
پولیس نے تینوں حادثات کی تفتیش شروع کر دی ہے جبکہ نعشوں کو قانونی کارروائی کیلئے ہسپتال منتقل کر دیا گیا ہے۔
