کسٹمز میں بڑے پیمانے پر بے ضابطگیوں اور ٹیکس چوری کا انکشاف، 100 ارب روپے کا نقصان

اسلام آباد میں کسٹمز آڈٹ کی بے ضابطگیاں

اسلام آباد(ڈیلی پاکستان آن لائن) کسٹمز آڈٹ میں بڑے پیمانے پر بے ضابطگیوں اور ٹیکس چوری کا انکشاف ہوا ہے۔

یہ بھی پڑھیں: قدرت سے جڑنے کی پشتون روایت ‘ماتہ’ کیا ہے؟

آڈٹ رپورٹ کے اہم نکات

نجی ٹی وی چینل جیو نیوز کے مطابق آڈٹ رپورٹ کے مطابق فیس لیس کسٹمز اسسمنٹ سسٹم سے 3 ماہ میں 100 ارب روپے کا نقصان ہوا، 13 ہزار 140 گڈز ڈیکلیئریشنز میں سے 2 ہزار 530 میں سنگین بے ضابطگیاں سامنے آئیں، 1524 ڈیکلیئریشنز میں 5 ارب روپے کے ٹیکس و ڈیوٹی چوری کے کیسز پکڑے گئے۔

یہ بھی پڑھیں: ہمیں مکہ شریف پہنچنے کی جلدی تھی، میزبانوں سے گزارش کی کوئی ٹیکسی لے دی جائے، میجر صاحب اپنی فیملی کے ہمراہ ساحل سمندر کی طرف لے گئے۔

ممنوعہ اشیاء کی کلیئرنس

آڈٹ رپورٹ میں 10 ارب 54 کروڑ روپے مالیت کی ممنوعہ اشیا کی کلیئرنس کا بھی انکشاف ہوا جبکہ 30 ارب روپے سے زائد کے جرمانے نہ لگائے جانے پر ریونیو کو بھاری نقصان ہوا۔

یہ بھی پڑھیں: گرین ٹریکٹر سکیم سے زرعی لینڈ سکیپ تبدیل ہو رہا ہے، مریم نواز

غیر قانونی درآمدات

رپورٹ میں بتایا گیا ہے کہ بوگس امپورٹرز کے ذریعے 54 سولر پینل کنٹینرز غیر قانونی طور پر کلیئر کیے گئے، کروڑوں روپے مالیت کی لینڈ کروزر صرف 17 ہزار 635 روپے میں کلیئر کرائی گئی۔

یہ بھی پڑھیں: آپ کے بڑے بڑے لیڈران کے کسی دن سارے پیغامات اور وائس نوٹس نکال دیئے تو منہ چھپانے کی جگہ نہیں ملے گی: راجہ عامر شہزاد کی سیاسی کارکنان کو دھمکی

ٹیکس چوری کے نئے طریقے

آڈٹ رپورٹ میں یہ بات بھی سامنے آئی کہ گڈز ڈیکلیئریشن کینسل کر کے دوبارہ فائل کر کے ٹیکس چوری کی گئی۔

گرین چینل کی صورتحال

آڈیٹر جنرل آف پاکستان کی رپورٹ میں کہا جا رہا ہے کہ گرین چینل کے بڑھتے استعمال سے پری کلیئرنس کنٹرولز محدود ہوتے جا رہے ہیں، گرین چینل اب خود خطرے کا باعث بن چکا ہے۔