پنجاب میں سیلاب کی تباہ کاریاں: جلال پور پیر والا کے قریب موٹروے کا حصہ پانی میں بہہ گیا، ٹریفک کے لیے بند

جاری سیلاب کی تباہ کاریاں

ملتان (ڈیلی پاکستان آن لائن) بھارت کی جانب سے پانی چھوڑے جانے کے بعد بپھرے دریاؤں نے اپر پنجاب کے بعد جنوبی پنجاب میں بھی تباہی کی داستان رقم کردی۔ جلال پور پیروالا کے قریب دونوں اطراف سیلابی پانی کے بہاؤ نے ملتان سکھر ایم فائیو (M-5) موٹروے کو نقصان پہنچایا، جس کا ایک حصہ بہہ گیا ہے۔ اس کے نتیجے میں موٹروے کو ٹریفک کے لیے بند کردیا گیا ہے۔

یہ بھی پڑھیں: آئینی ترمیم خفیہ طریقے سے لائی جارہی ہے، حصہ نہیں بنیں گے: اخترمینگل

پنجاب کے دریاؤں کی صورتحال

پنجاب کے دریاؤں میں پانی کی سطح کم ہونے کے باوجود، جنوبی علاقوں میں سیلاب کی تباہ کاریاں جاری ہیں۔ سیلاب جنوبی پنجاب سے آگے بڑھتا ہوا سندھ میں داخل ہورہا ہے۔

یہ بھی پڑھیں: وفاقی کابینہ نے مزید 8 آئی پی پیز کے ٹیرف ریویو کی منظوری دیدی

شجاع آباد کی صورتحال

شجاع آباد میں دریائے چناب میں طغیانی سے 15 موضاجات پانی میں ڈوب گئے، جبکہ 17 موضاجات کو جزوی نقصان پہنچا ہے۔ اب تک 4000 سے زیادہ افراد کو ریسکیو کرلیا گیا ہے۔

یہ بھی پڑھیں: ساجد خان نے گھر بلا کر کپڑے اتارنے کا کہا،اداکارہ نوینا بولے نے ہدایتکار پر سنگین الزام عائد کردیا

جال پور پیروالا میں نقصانات

جال پور پیروالا میں دریائے چناب اور دریائے ستلج نے 80 سے دیہات کو ڈبو دیا، جہاں سے 80 ہزار متاثرین کو ریسکیو کیا گیا، جبکہ متعدد افراد اب بھی سیلاب میں پھنسے ہوئے ہیں۔

یہ بھی پڑھیں: بلاول بھٹو نے مشکل وقت میں پاکستان کی دنیا میں نمائندگی کی: آصفہ بھٹو

موٹروے ایم 5 کی حالت

دریائے ستلج کے پانی نے موٹروے ایم 5 کو بھی متاثر کیا، جہاں موٹروے ٹنل کے قریب دراڑیں پڑ گئی ہیں۔ موٹروے کے دونوں اطراف پانی کی روانگی کے سبب موٹروے اب بھی ٹریفک کے لیے بند ہے۔

جلالپور پیروالا کے قریب موٹروے ایم 5 کا شمالی حصہ 50فٹ تک سیلابی پانی میں بہہ گیا ہے اور موٹروے کا جنوبی حصہ بھی کٹاؤ کا شکار ہے۔ ملتان سکھر موٹروے ایم 5 ملتان سے ترنڈہ محمد پناہ اور اُچ شریف تک کل سے بند ہے اور اب موٹروے ایم فائیو کھلنے کے فوری امکانات بھی نہیں ہیں۔ pic.twitter.com/0LGZn3SZKb

— CPEC ???????????????? (@CPEC_UPDATE) September 15, 2025

یہ بھی پڑھیں: برڈ فلو کے عالمی وبا بننے کا خدشہ، ایسی کیا تبدیلی آئی کہ پرندوں کا یہ وائرس انسانوں میں منتقل ہوسکتا ہے؟ سائنسدان سر پکڑ کر بیٹھ گئے۔

مظفر گڑھ کی صورتحال

دریائے چناب میں پانی کی سطح کم ہونے کے باوجود، مظفر گڑھ میں کئی بستیاں تاحال زیرآب ہیں۔ سیلاب نے 2000 سے زائد گھروں کو متاثر کیا ہے جبکہ 30000 سے زیادہ متاثرین اب بھی گھروں کی راہ تک رہے ہیں۔

یہ بھی پڑھیں: ٹرمپ کا ایران سے جوہری معاہدے کا عندیہ، عالمی منڈی میں تیل کی قیمتوں میں کمی

دیگر متاثرہ علاقوں کی تفصیلات

لیاقت پور میں پانی کی سطح تو کم ہوگئی ہے لیکن کئی بستیاں تاحال زیرآب ہیں۔ سیلاب متاثرین شدید گرمی میں کھلے آسمان تلے بیٹھنے پر مجبور ہیں۔ چشتیاں کے 47 موضع جات ابھی بھی پانی کی لپیٹ میں ہیں، جن میں موضع راجوشاہ، بونگہ جھیڈ، مزید شاہ، میرن شاہ شدید متاثر ہوئے ہیں۔ اوچ شریف کے 25 دیہات پانی میں ڈوبے گئے اور زمینی رابطہ منقطع ہوگیا ہے۔

یہ بھی پڑھیں: مانگا منڈی میں کم عمر مسیحی بچی سے زیادتی، مجرموں کو سخت سزا دلوائیں گے : چیئرپرسن پنجاب ویمن پروٹیکشن اتھارٹی

علی پور کا حال

علی پور میں دریائے ستلج، راوی اور چناب نے کئی بستیوں کو ڈبو دیا۔ ہیڈ پنجند سے 2 لاکھ 87 ہزار کیوسک کا سیلابی ریلا گزرا ہے۔ علی پور سے سیت پور کا زمینی راستہ بحال کرنے کے لئے کام جاری ہے۔