سیکرٹری اطلاعات پنجاب کی جانب سے سابق ڈی جی پی آر غلام صغیر شاہد کے اعزاز میں الوداعی تقریب

الوداعی تقریب

لاہور (ڈیلی پاکستان آن لائن) سیکرٹری اطلاعات پنجاب سید طاہر رضا ہمدانی کی جانب سے سابق ڈائریکٹر جنرل پبلک ریلیشنز پنجاب غلام صغیر شاہد کے اعزاز میں الوداعی تقریب کا انعقاد کیا گیا۔

یہ بھی پڑھیں: پاکستانی باکسر عثمان وزیر کا اگلی فائٹ کا اعلان

نئی شناخت اور ترقی

اس موقع پر سیکرٹری اطلاعات پنجاب نے کہا کہ وزیر اطلاعات پنجاب عظمیٰ بخاری کی سرپرستی میں ڈی جی پی آر کو فعال اور جدید خطوط پر استوار ادارے کے طور پر نئی شناخت ملی ہے۔ عظمیٰ بخاری نہایت محنت اور جذبے کے ساتھ اپنی ذمہ داریاں نبھا رہی ہیں، جبکہ ڈی جی پی آر عوام تک حکومتی پالیسیوں اور پیغام رسانی کا مضبوط ذریعہ بن چکا ہے۔

یہ بھی پڑھیں: بابا گورو نانک دیو جی کا 556واں جنم دن، 30 ہزار یاتری ننکانہ صاحب آئیں گے،سی سی ٹی وی کیمرے نصب، 3 کنٹرول رومز قائم

غلام صغیر شاہد کا بیان

تقریب سے خطاب کرتے ہوئے غلام صغیر شاہد نے کہا کہ عظمیٰ بخاری کی قیادت میں کام کرنا ان کے لیے اعزاز اور خوش قسمتی کی بات ہے۔ ڈی جی پی آر کی ٹیم نے ہمیشہ اہداف کے حصول میں شاندار کردار ادا کیا، اور آج ادارے میں میرٹ، شفافیت اور سسٹم کی بنیاد پر فیصلے کیے جا رہے ہیں۔

یہ بھی پڑھیں: عبیرہ ضیاء اور حافظ محمد عمران ضیاء کی سابق وزیر اعلیٰ پنجاب حمزہ شہباز شریف سے ملاقات، نوجوان نسل کے مسائل پر تفصیلی گفتگو

صحافیوں کے مسائل

صحافیوں کے مسائل کے حل اور ان کے ساتھ مثبت تعلقات استوار کرنے میں بھی ڈی جی پی آر ہمیشہ نمایاں رہا ہے۔

شرکاء کی تفصیلات

تقریب میں ڈائریکٹر نیوز محمد سہیل جنجوعہ، ڈائریکٹر الیکٹرانک میڈیا محمد سہیل رانا، ڈائریکٹر کوآرڈینیشن خورشید جیلانی، ڈائریکٹر ایڈمن صدیق کیانی، ڈائریکٹر آئی ٹی شاہد نواز، ڈپٹی ڈائریکٹر کرن فضل بٹ، ڈپٹی ڈائریکٹر حفصہ جاوید خواجہ، سیف اعوان اور بلال بھٹی سمیت دیگر اہم شخصیات نے شرکت کی۔