حالیہ واقعات کے سبب قطر اور دیگر ممالک نے اسرائیل کو تنہا کر دیا : نیتن یاہو

نیتن یاہو کا بیان

تل ابیب (ڈیلی پاکستان آن لائن) اسرائیلی وزیراعظم نیتن یاہو نے تسلیم کیا کہ حالیہ واقعات کے سبب قطر اور دیگر ممالک نے اسرائیل کو تنہا کردیا ہے۔

یہ بھی پڑھیں: پاکستان اور سعودی عرب کے درمیان 27 معاہدوں اور ایم او یوز پر دستخط

اسپارتی تشبیہ

انہوں نے اسرائیل کو یونان کی قدیم ریاست اسپارٹا سے تشبیہ دی اور کہا کہ قطر کی قیادت میں اسرائیل کا اقتصادی محاصرہ کیا جا رہا ہے، یہ صورتحال سُپر اسپارٹا جیسی ہے جس کے لیے تیار ہونا پڑے گا۔

یہ بھی پڑھیں: یہ امر المیہ سے کم نہیں کہ 1970ء کے الیکشن میں شکست کے بعد پاکستان کونسل مسلم لیگ کے سرکردہ رہنماؤں نے مرد میدان ہونے کا ثبوت نہیں دیا

نئی اقتصادی حقیقت

اسرائیلی اخبار کو انٹرویو میں نیتن یاہو نے کہا کہ اسرائیل کو نئی اقتصادی حقیقت کے لیے تیار ہونا چاہیے، خود انحصاری یقینی بنانے کے لیے اسلحہ سازی کی صنعت کو آزادانہ اور خود مختار طور پر مضبوط کرنا ہوگا۔

یہ بھی پڑھیں: 9 مئی کیس: اسلم اقبال اور حما د اظہر سمیت 8 پی ٹی آئی رہنما اشتہاری قرار

قطر کی قیادت میں ناکہ بندی

ان کا کہنا تھا کہ قطر کئی ملکوں کے ساتھ مل کر اسرائیل کا ناطقہ بند کرنے کی کوشش کی قیادت کر رہا ہے۔ انہوں نے دعویٰ کیا کہ قطر اور چین بڑی رقم خرچ کرکے اسرائیل کی میڈیا ناکہ بندی کر رہے ہیں۔ آئندہ برسوں میں اسرائیل کو اپنی صنعتوں خاص طور پر اسلحہ سازی میں خود انحصاری حاصل کرنا ہوگی اور اسی طرح ناکہ بندی ختم کی جا سکے گی۔

یہ بھی پڑھیں: بھارتی میڈیا حقائق کا سامنا کرے، ہم ابھی صرف ٹریلر دکھا رہے ہیں، پوری فلم باقی ہے: عظمٰی بخاری

خطرات اور چیلنجز

نیتن یاہو نے کہا کہ قطر کی کوشش ہے کہ جیسے ایران نے ناکہ بندی کی تھی اسی طرح اقدام کیا جائے اور اسرائیل کو تباہ کردیا جائے، نیتن یاہو بولے کہ اسرائیل نے اس ناکہ بندی کو توڑا تھا اور اب بھی اسے کامیاب ہونے نہیں دے گا۔

یہ بھی پڑھیں: سابق وزیراعظم و صدر آزادکشمیر عبدالحمید خان کے پوتے ڈاکٹر عبدالحلیم کا انتقال

مسلم اقلیتوں کا اثر

نیتن یاہو نے کہا کہ اسرائیل کے لیے سب سے بڑا چیلنج انتہا پسند مسلم اقلیتوں کا یورپ کی اسرائیل پالیسی پر اثر و رسوخ ہے۔ مغربی یورپ سے اسرائیل کو چیلنج درپیش ہے اور اس ناکہ بندی کو بھی توڑ دیں گے کیونکہ امریکہ اور بہت سے ممالک ہمارے ساتھ کھڑے ہیں۔

سوشل میڈیا کی ضرورت

انہوں نے کہا کہ اسرائیل کو روایتی اور سوشل میڈیا پر اثر و رسوخ پیدا کرنے کے آپریشنز پر سرمایہ کاری کرنا ہوگی۔ نیتن یاہو نے کہا کہ اسرائیلی ایتھنز اور اسپارٹا یا شاید سُپر اسپارٹا کی حالت میں ہیں۔