ڈی چوک احتجاج: عمران خان پر منصوبہ بندی کا مقدمہ درج

مقدمہ درج

اسلام آباد ( ڈیلی پاکستان آن لائن ) بانی پی ٹی آئی عمران خان پر احتجاج کی منصوبہ بندی کا مقدمہ درج کرلیا گیا۔

یہ بھی پڑھیں: آئی پی پیز سے مذاکرات ، ایک اور کمپنی سے معاملات طے پا گئے

مقدمہ کی تفصیلات

نجی ٹی وی دنیا نیوز کے مطابق عمران خان کیخلاف مقدمہ اغواء، ڈکیتی، اقدام قتل، کار سرکار میں مداخلت اور اے ٹی سی ایکٹ سمیت 13 دفعات کے تحت سب انسپکٹر قیصر محمود کی مدعیت میں درج کیا گیا ہے، مقدمہ میں بانی پی ٹی آئی سمیت 14 مقامی رہنماو¿ں کو نامزد کیا گیا ہے۔

یہ بھی پڑھیں: امیر مردوں سے شادی کر کے لوٹنے والی دلہن گرفتار

غیر قانونی سہولیات

مقدمہ کے متن میں لکھا گیا ہے کہ عدالتی احکامات پر بانی پی ٹی آئی کو جیل مینوئل سے ہٹ کر غیر معمولی غیر قانونی سہولیات دی گئیں، جیل میں ملاقاتوں اور روابط میں عمران خان اپنے سیاسی کارکنوں کو ریاست اور اداروں کے خلاف تشدد پر اکساتے رہے۔

یہ بھی پڑھیں: ایمرجنگ ایشیاکپ؛ امپائرز کے غلط فیصلے نے پاکستان کو ہروادیا

پر تشدد مظاہرین

ایف آئی آر میں کہا گیا کہ عمران خان نے پی ٹی آئی رہنماو¿ں کو پرتشدد ہجوم کی قیادت پر مجبور کیا، مظاہرین نے فائرنگ اور پٹرول بموں کا استعمال کرتے ہوئے ایک کانسٹیبل کو اغوا کر لیا جبکہ پانچ شدید زخمی کئے۔

پولیس کی کاروائی

مقدمہ کے متن میں مزید لکھا گیا ہے کہ پولیس نے 105 مظاہرین گرفتار کئے جن سے 20 غلیلیں، ڈھائی ہزار بنٹے، 40 ڈنڈے اور 9 گاڑیاں قبضہ میں لے لیں۔