بالی ووڈ کے لیجنڈ اداکار امیتابھ بچن کا 75 فیصد جگر ناکارہ ہونے کا انکشاف

امیتابھ بچن کی صحت کی صورتحال

ممبئی(ڈیلی پاکستان آن لائن) بالی ووڈ کے لیجنڈ اداکار امیتابھ بچن کے بارے میں انکشاف ہوا ہے کہ انکا 75 فیصد جگر ناکارہ ہو چکا ہے، وہ صرف 25 فیصد جگر کے ساتھ بھرپور زندگی گزار رہے ہیں۔

یہ بھی پڑھیں: وکلاء اور حکومت ایک ہی ٹیم کی طرح کام کر رہے ہیں: وزیر قانون پنجاب صہیب احمد بھرتھ

بھارتی میڈیا کی معلومات

بالی ووڈ کے لیجنڈ اداکار امیتابھ بچن کے بارے میں بھارتی میڈیا میں دعویٰ کیا جا رہا ہے کہ وہ صرف 25 فیصد صحت مند جگر کے ساتھ زندگی گزار رہے ہیں، جبکہ ان کا 75 فیصد جگر خراب ہو چکا ہے۔

یہ بھی پڑھیں: خیبر پختونخوا : عبوری حکومت کے دوران بھرتی کیے گئے ملازمین کیلیے بری خبر ، حکومت نے اہم فیصلہ کر لیا

حفاظتی حادثہ اور بیماری

رپورٹس کےمطابق 82 سالہ امیتابھ بچن کی زندگی حوصلے اور جدوجہد کی ایک روشن مثال ہے، 1982ء میں فلم ’کُلی‘ کی شوٹنگ کے دوران ایک خطرناک حادثہ پیش آیا، جس کے بعد انہیں خون کی منتقلی (بلڈ ٹرانسفیوژن) کی ضرورت پڑی۔

یہ بھی پڑھیں: نیشنل ڈائیلاگ کمیٹی بنانے پر اتفاق ہو گیا، ملکی مسائل کے حل کے لیے سیاسی جماعتوں اور قومی اداروں سے رابطہ کیا جائے گا

ہیپاٹائٹس بی وائرس

اسی دوران وہ ہیپاٹائٹس بی وائرس کا شکار ہوئے، جو خون کے ذریعے ان کے جسم میں داخل ہوا۔ امیتابھ کو اس بیماری کا علم کئی سال بعد 2005ء میں ہوا، جب تک ان کا 75 فیصد جگر ناکارہ ہو چکا تھا۔

یہ بھی پڑھیں: عمران خان کا اڈیالہ جیل میں طبی معائنہ

زندگی کی جدوجہد اور مثبت سوچ

آج امیتابھ بچن صرف 25 فیصد جگر کے ساتھ نہ صرف زندگی گزار رہے ہیں بلکہ بھرپور انداز میں فلموں، ٹی وی شوز اور سوشل میڈیا پر بھی متحرک ہیں۔ ان کی صحت مندانہ زندگی کا راز سخت ڈسپلن اور مثبت سوچ کو قرار دیا جاتا ہے۔

حوصلہ اور امید کا پیغام

اداکار خود بھی کہہ چکے ہیں کہ جب تک زندگی ہے، جدوجہد جاری رہے گی۔ ان کا یہ جملہ کئی لوگوں کے لیے حوصلہ اور امید کا پیغام بن چکا ہے۔