فلمی اداکارہ کا طلاق فوٹو شوٹ سوشل میڈیا پر وائرل
طلاق کا منفرد اعلان
ممبئی (ڈیلی پاکستان آن لائن) تامل فلم انڈسٹری کی اداکارہ اور فیشن ڈیزائنر شالنی نے منفرد انداز میں فوٹو شوٹ کے ذریعے طلاق کا اعلان کردیا۔
یہ بھی پڑھیں: انٹراپارٹی انتخابات کیس؛ پی ٹی آئی نے 21 اکتوبر کے فیصلے کیخلاف سپریم کورٹ میں دوسری نظرثانی درخواست دائر کر دی
فوٹو شوٹ کی تفصیلات
اداکارہ شالنی نے ایک لال رنگ کا جوڑا زیب تن کر کے سوشل میڈیا پر اپنا طلاق کا فوٹو شوٹ پوسٹ کیا ہے، جس پر انہیں شدید تنقید کا نشانہ بنایا جا رہا ہے جبکہ کئی لوگ انہیں سراہا بھی رہے ہیں۔
یہ بھی پڑھیں: کراچی میں کمسن گھریلو ملازمہ پر تشدد کرنے والے میاں بیوی گرفتار
نیا آغاز
انہوں نے اس لمحے کو ایک نئے آغاز کے طور پر مناتے ہوئے معاشرتی روایات کو چیلنج کیا۔ طلاق کو ایک جشن کے طور پر مناتے ہوئے انہوں نے اپنی شادی کی تصویر بھی پھاڑ دی۔
یہ بھی پڑھیں: ایونٹ کے دوران اداکارہ کی اچانک آواز چلی گئی، 2 سال تک بول نہیں پائی، پھر آواز کیسے واپس آئی؟
پیغام برائے خواتین
شالنی نے اپنی پوسٹ میں ان خواتین کے لیے پیغام دیا جو شادی شدہ زندگی میں مشکلات کا شکار ہیں لیکن آواز بلند کرنے سے خوفزدہ ہیں۔ ان کا کہنا تھا کہ اگر شادی خوشگوار نہ ہو تو اسے ختم کرنا بہتر فیصلہ ہے۔ اداکارہ نے کہا کہ کسی بھی عورت کے لیے طلاق کو ناکامی نہیں سمجھنا چاہیئے بلکہ یہ زندگی میں ایک نیا اور مثبت موڑ ہو سکتا ہے۔
شادی کی تفصیلات
اداکارہ شالنی نے 2020 میں ریاض نامی شخص سے شادی کی تھی جس سے ان کی ایک بیٹی بھی ہے۔ انہوں نے شوہر پر ذہنی و جسمانی تشدد کے الزامات عائد کیے تھے جس کے بعد ان سے علیحدگی اختیار کر لی تھی.
