ایکس اکاؤنٹ کون ہینڈل کرتا ہے؟ عمران خان کا نیشنل سائبرکرائم انویسٹی گیشن ایجنسی کو معلومات دینے سے انکار

راولپنڈی: بانی پی ٹی آئی کا ایکس اکاؤنٹ

راولپنڈی (ڈیلی پاکستان آن لائن) بانی پی ٹی آئی کا ایکس اکاؤنٹ کون ہینڈل کرتا ہے؟ نیشنل سائبرکرائم انویسٹی گیشن ایجنسی کی ٹیم نے اڈیالہ جیل جاکر پچھ گچھ کی مگر ذرائع کے مطابق عمران خان نے معلومات دینے سے انکار کر دیا۔

یہ بھی پڑھیں: آزاد کشمیر: وین کھائی میں گرنے سے 5 طالبعلم بحق

این سی سی آئی اے کی تفتیش

سما ٹی وی کے مطابق این سی سی آئی اے کی 3 رکنی ٹیم کی قیادت ایاز خان کر رہے تھے۔ ذرائع کے مطابق ٹیم نے سوال کیا کہ آپ کا ایکس اکاؤنٹ کون استعمال کرتا ہے اور یہ کہاں سے استعمال کیا جاتا ہے؟ آپ نے ایکس اکاؤنٹ تک رسائی کس کو دی ہوئی ہے۔ آپ کے ایکس اکاؤنٹ سے جو چیزیں پوسٹ ہوتی ہیں کیا آپ کو اُن کا علم ہے؟ ٹیم نے یہ بھی کہا کہ آپ کے ایکس اکاؤنٹ سے ریاست کے مخالف چیزیں پوسٹ ہوتی ہیں۔

عمران خان کا جواب

ذرائع کے مطابق بانی پی ٹی آئی نے جواب دیا کہ میرا ایکس اکاؤنٹ کون استعمال کرتا ہے، یہ نہیں بتاؤں گا۔ این سی سی آئی اے کی ٹیم ایک گھنٹہ سے زائد اڈیالہ جیل موجود رہی۔