تربت: وزیر داخلہ محسن نقوی کی شہید کیپٹن وقار اور جوانوں کی نماز جنازہ میں شرکت
وفاقی وزیرداخلہ کا تربت کا دورہ
تربت(ڈیلی پاکستان آن لائن) وفاقی وزیرداخلہ محسن نقوی تربت میں فرنٹیئر کور ساؤتھ کے ہیڈ کوارٹر پہنچے اور شہید جوانوں کی نماز جنازہ میں شرکت کی۔
یہ بھی پڑھیں: چھوٹے لوگوں کو بڑے عہدے دینے کا نقصان ہوتا ہے اور عمران خان کو اس کا شدید نقصان پہنچ رہا ہے،فواد چودھری
نماز جنازہ میں شمولیت
نجی ٹی وی چینل دنیا نیوز کے مطابق وزیرداخلہ محسن نقوی اور آئی جی ایف سی ساؤتھ میجر جنرل بلال سرفراز خان نے ضلع کیچ میں شہید کیپٹن وقار احمد اور 4 جوانوں کی نماز جنازہ میں شرکت کی۔ نماز جنازہ میں اعلیٰ عسکری و سول حکام بھی شریک ہوئے، جنہوں نے جام شہادت نوش کرنے والے کیپٹن وقار، نائیک عصمت اللہ، لانس نائیک جنید احمد و خان محمد اور سپاہی محمد ظہور کو خراج عقیدت پیش کیا۔
یہ بھی پڑھیں: آج کن علاقوں میں بارش اور برفباری ہوگی؟ محکمہ موسمیات نے بتا دیا۔
دعائیں اور خراج عقیدت
محسن نقوی اور آئی جی ایف سی ساؤتھ میجر جنرل بلال سرفراز نے شہداء کے بلند درجات کیلئے دعا کی اور شہداء کے جسد خاکی کو کندھا دیا۔
یہ بھی پڑھیں: محمد رضوان کو کپتانی کی پیشکش: ان کا حیرت انگیز رد عمل کیا ہوگا؟
شہداء کی قربانیوں کا اعتراف
وفاقی وزیر محسن نقوی کا کہنا تھا کہ کیپٹن وقار احمد اور جوانوں نے فرض کی راہ میں قیمتی جانیں نچھاور کر کے اعلیٰ مثال قائم کی۔ قوم شہداء کی لازوال قربانیوں کا قرض نہیں اتار سکتی، شہداء کی عظیم قربانیاں رائیگاں نہیں جائیں گی۔ شہداء اور ان کے عظیم خاندانوں کو سلام پیش کرتے ہیں۔
یہ بھی پڑھیں: دریائے سوات کنارے سے نوجوان کی ذبح شدہ لاش برآمد
شہداء کے خاندان کا ذکر
انہوں نے کہا کہ شہداء کے خاندان ہمارے اپنے خاندان ہیں، قوم ہمیشہ ان کی مقروض رہے گی۔
سکیورٹی فورسز کا عزم
اس موقع پر آئی جی ایف سی ساؤتھ میجر جنرل بلال سرفراز خان کا کہنا تھا کہ سکیورٹی فورسز کی قربانیاں دہشت گردی کے خلاف ہمارے غیر متزلزل عزم کا ثبوت ہیں۔
