وزیر اطلاعات پنجاب عظمیٰ بخاری کا ڈاکٹر ضیاء اللہ خان بنگش کی اہلیہ کے انتقال پر اظہار تعزیت

وزیر اطلاعات کا بیان

لاہور (ڈیلی پاکستان آن لائن) وزیر اطلاعات و ثقافت پنجاب عظمیٰ بخاری نے پاکستان پیپلز پارٹی کے سابق ایم پی اے ڈاکٹر ضیاء اللہ خان بنگش کی اہلیہ اور سینئر صحافی فیضان بنگش کی والدہ کے انتقال پر گہرے رنج و غم کا اظہار کیا۔

یہ بھی پڑھیں: پی ٹی آئی کو سیاسی جماعت قرار دینے کے لیے ہائی کورٹ میں درخواست دائر

تعزیت کی تقریب

وہ تعزیت کے لیے مرحومہ کے اہل خانہ سے ملنے ان کی رہائش گاہ پہنچیں اور مرحومہ کے بلند درجات کے لیے فاتحہ خوانی کی۔ اس موقع پر پارلیمانی سیکرٹری شازیہ کامران بھی وزیر اطلاعات کے ہمراہ تھیں۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا؟

ماں کا سایہ

عظمیٰ بخاری نے کہا کہ ماں کا سایہ زندگی کی سب سے بڑی نعمت ہے اور اس کا نعم البدل کوئی نہیں۔ والدہ کی جدائی اہل خانہ کے لیے ناقابلِ تلافی صدمہ ہے اور ان کی کمی ہمیشہ محسوس کی جائے گی۔

حکومت پنجاب کی حمایت

عظمی بخاری نے کہا کہ حکومت پنجاب غم کی اس گھڑی میں فیضان بنگش اور ان کے اہل خانہ کے ساتھ کھڑی ہے اور ان کے دکھ میں برابر کی شریک ہے۔ انہوں نے مرحومہ کے لیے مغفرت اور لواحقین کے لیے صبر جمیل کی دعا بھی کی۔