میں اپنی اہلیہ کے دوسرے شوہر ہوں: شاہد کپور کا حیران کن انکشاف

شاہد کپور کا حیران کن انکشاف

ممبئی(ڈیلی پاکستان آن لائن )بالی ووڈ کے معروف اداکار شاہد کپور نے انکشاف کیا ہے کہ وہ اپنی بیوی میرا راجپوت کے دوسرے شوہر ہیں جس کے بعد مداح کافی حیران ہیں۔

یہ بھی پڑھیں: چیئرمین پی سی بی محسن نقوی ٹیم کی فائٹنگ سپرٹ سے خوش، اہم بیان جاری کر دیا

سوشل میڈیا پر فیملی کی جھلک

شاہد کپور اکثر اپنی فیملی لائف کو سوشل میڈیا پر شیئر کرتے رہتے ہیں، اس بار بھی انھوں نے ایسا ہی کچھ مداحوں کے ساتھ شیئر کیا ہے۔ وہ ہوائی جہاز میں اپنی اہلیہ میرا راجپوت کے ساتھ محو سفر ہیں جس میں انھوں نے خود کو ’دوسرا شوہر‘ قرار دیا ہے۔

یہ بھی پڑھیں: بانی پی ٹی آئی کے قریبی دوست عمران چودھری انتقال کر گئے

مزاحیہ وڈیو کا پس منظر

انسٹاگرام سٹوریز پر ’فرضی‘ کے اداکار نے یہ ویڈیو مذاق کے طور پر شیئر کی ہے۔ ویڈیو میں دیکھا جاسکتا ہے کہ میرا ان کے ساتھ والی سیٹ پر براجمان ہیں اور اپنے فون کے ساتھ کافی مصروف نظر آرہی ہیں۔

یہ بھی پڑھیں: لیفٹیننٹ جنرل اختر نواز ستی نے چیئرمین فیڈرل پبلک سروس کمیشن کے عہدےکا حلف اٹھالیا

غیر معمولی کیپشن اور موسیقی

اس دوران شاہد بور ہورہے ہیں یا اپنی اہلیہ کو فون میں مصروف دیکھ کر زچ ہورہے ہیں، اسی مناسبت سے وہ مزاحیہ منہ بناتے ہوئے ویڈیو میں میرا کے فون سے تھوڑے جیلس لگ رہے ہیں۔ شاہد نے انسٹاگرام کی اس ویڈیو کے کیپشن میں لکھا کہ وہ اپنی بیوی کے دوسرے شوہر ہیں کیونکہ ان کی بیوی ان سے کہیں زیادہ توجہ اپنے موبائل فون کو دیتی ہیں۔ بالی ووڈ اداکار نے ویڈیو کو اور مزاحیہ بنانے کے لئے کشور کمار کا مشہور گانا ’مجھے میری بیوی سے بچاو‘ بھی بیک گراونڈ میں لگایا ہوا ہے۔

آنے والی فلم کا ذکر

خیال رہے کہ شاہد کپور کو ان کے مداح آنے والی فلم دیوا میں ایک نئے ل±ک میں دیکھیں گے جس میں ان کے مقابل پوجا ہیج ہیں، اگلے سال 14 فروری کو سینما گھروں کی زینت بنے گی۔