گلی میں کھیلتے ہوئے 7سالہ بچی اندھی گولی کا شکار، 11روز بعد ہسپتال میں دم توڑ گئی

خونی کھیل کا اختتام

لاہور (ڈیلی پاکستان آن لائن) شہر میں ہوائی فائرنگ کا خونی کھیل نہ رک سکا۔ گجر پورہ کے علاقے میں 6 ستمبر کو ہوائی فائرنگ سے زخمی ہونے والی 7 سالہ کم سن عنائیہ ہسپتال میں دم توڑ گئی۔

یہ بھی پڑھیں: ڈی آئی خان: ڈیرہ جات جیپ ریلی نادر مگسی نے جیت لی

مقدمہ درج

پولیس نے بچی کے والد کی مدعیت میں مقدمہ درج کر لیا ہے۔ ایف آئی آر کے مطابق کینٹ کی رہائشی کم سن بچی والدین کے ساتھ چائنہ سکیم آئی ہوئی تھی، گلی میں کھیلتے ہوئے بچی اندھی گولی کا شکار ہو کر زخمی ہوئی۔ ننھی عنائیہ جنرل ہسپتال میں زیر علاج تھی، جہاں وہ دم توڑ گئی۔

تحقیقات کا آغاز

پولیس کا کہنا ہے کہ تمام دستیاب وسائل اور ٹیکنالوجی کی مدد سے تحقیقات جاری ہے۔ ملزمان کا تعین کر کے سخت قانونی کاروائی عمل میں لائی جائے گی۔