خیبر پختونخوا سے وفد کا دورۂ پنجاب، ویمن پروٹیکشن اتھارٹی کے ہیڈ آفس میں تفصیلی بریفنگ میں شرکت

خیبرپختونخوا وفد کا دورہ پنجاب ویمن پروٹیکشن اتھارٹی

لاہور(ڈیلی پاکستان آن لائن) خیبرپختونخوا کے صوبائی فورم کے اراکین اور سرکاری افسران پر مشتمل ایک معزز وفد نے ’’آواز II‘‘ پروگرام کے تحت پنجاب ویمن پروٹیکشن اتھارٹی (PWPA) کے ہیڈ آفس کا دورہ کیا۔ یہ پروگرام برٹش کونسل کے تعاون سے ’’پیس اینڈ جسٹس نیٹ ورک (PJN)‘‘ کے زیر انتظام خواتین، بچوں، نوجوانوں اور محروم طبقات کے حقوق کے فروغ، سماجی ہم آہنگی اور پرامن معاشرے کے قیام کے لیے جاری ہے۔

یہ بھی پڑھیں: محسن نقوی نے دبنگ خاتون افسر سیدہ شہر بانو کو پی سی بی میں اہم عہدہ دینے کا فیصلہ کر لیا

ڈائریکٹر جنرل کی بریفنگ

وفد کو ڈائریکٹر جنرل پنجاب ویمن پروٹیکشن اتھارٹی کلثوم ثاقب نے خوش آمدید کہا اور اتھارٹی کے نظام، قانونی فریم ورک اور خواتین کے تحفظ کے لیے وضع کردہ میکنزم پر تفصیلی بریفنگ دی۔ ڈی جی نے وفد کو بتایا کہ اتھارٹی کس طرح شیلٹر ہومز، ویمن پروٹیکشن سنٹرز، ہیلپ لائن اور قانون نافذ کرنے والے اداروں کے ساتھ مربوط کوآرڈینیشن کے ذریعے خواتین کو فوری اور مؤثر مدد فراہم کر رہی ہے۔

یہ بھی پڑھیں: قیدی نمبر 804 کی تصاویر کے ساتھ ٹک ٹاک بنانے پر میڈیکل آفیسر کو ترقی مل گئی

لاہور ویمن پروٹیکشن سنٹر کا دورہ

بعد ازاں وفد نے لاہور ویمن پروٹیکشن سنٹر کا بھی دورہ کیا، جہاں ڈسٹرکٹ ویمن پروٹیکشن آفیسر لاہور، محترمہ رابعہ عثمان نے خواتین کو فراہم کی جانے والی سہولیات پر بریفنگ دی۔ ان سہولیات میں قانونی معاونت، طبی سہارا، کونسلنگ اور فوری تحفظ شامل ہیں جو گھریلو تشدد یا کسی بھی قسم کے تشدد کا شکار خواتین کے لیے فراہم کی جاتی ہیں۔

بین الصوبائی وزٹ کا مقصد

اس بین الصوبائی وزٹ کا مقصد پنجاب اور خیبرپختونخوا کے مابین بہترین عملی تجربات کا تبادلہ تھا، تاکہ ’’آواز II‘‘ اور ’’پیس اینڈ جسٹس نیٹ ورک‘‘ کے اس وژن کو آگے بڑھایا جا سکے جس کے تحت ایک پرامن، برداشت پر مبنی اور تشدد سے پاک معاشرے کا قیام ممکن بنایا جا رہا ہے。