منہاج ویمن لیگ بارسلونا کے زیر اہتمام محفل میلاد مصطفی ﷺ، علامہ غلام عربی کا خصوصی خطاب

بارسلونا میں محفل میلاد

بارسلونا (ارشد نذیر ساحل) منہاج ویمن لیگ بارسلونا اور سسٹرز لیگ کے زیرِ اہتمام ایک خوبصورت اور عالی شان محفل میلاد کا انعقاد کیا گیا جس میں خواتین اور بچیوں کی کثیر تعداد نے شرکت کی اور اپنے دلوں کو محبت مصطفی ﷺ سے منور کیا۔

یہ بھی پڑھیں: سیاسی اتحاد کے لیے عمران خان کو رہا کرنا وقت کی اہم ضرورت، بھارت کی طرف سے جارحیت ہوئی تو زوردار جواب دیا جائے گا، مشاہد حسین سید نے خبردار کردیا

تلاوت اور نذرانے

محفل میں تلاوت قرآن مجید کے بعد انفرادی اور گروپ کی شکل میں بارگاہ مصطفی ﷺ میں عقیدت کے نذرانے پیش کیے گئے۔ جنہیں حاضرین محفل نے بہت محبت سے سنا اور بچیوں نے ہاتھ میں میلاد مصطفی ﷺ کے جھنڈے لہرائے۔

یہ بھی پڑھیں: چین کے نئی نسل کے ایٹمی ری ایکٹر نے ایک ہزار دنوں کا فعال آپریشن مکمل کرلیا

علامہ غلام عربی کا خطاب

علامہ غلام عربی نے خطاب فرمایا جس کا موضوع ادب بارگاہِ مصطفیٰ ﷺ اور آقا کریم ﷺ کی آمد کے بعد معاشرے میں عزت اور اہمیت تھا۔ اس کے علاوہ اُنہوں نے اپنے خطاب میں نصیحت کی کہ بطور اُمتِ مصطفی ﷺ ہمیں اپنی نجی محافلوں کو غیبت اور چغلی سے پاک رکھنا چاہئے اور درود پاک سے معطر رکھنا چاہئے۔

یہ بھی پڑھیں: پاکستان اپنے تمام ہمسایوں کے ساتھ معمول کے اور مستحکم تعلقات چاہتا ہے، شہباز شریف کا ایس سی او سربراہانِ مملکت کی کونسل کے اجلاس سے خطاب

پروگرام کے سٹالز

پروگرام میں شیخ الاسلام ڈاکٹر محمد طاہرالقادری کی بکس، کیلیگرافی اور دیگر خوبصورت سٹالز سجائے گئے تھے۔ اس کے علاوہ ایک سٹال خصوصی طور پر آقا کریم ﷺ کی پسندیدہ کھانے کی اشیاء سے سجایا گیا تھا۔

اختتام اور دعا

پروگرام کے آخر میں قرعہ اندازی کے ذریعے 2 خوش نصیبوں کے عمرے کے ٹکٹ کا بھی اعلان کیا گیا۔ جس کے بعد دعا اور سلام سے محفل کا احتتام کیا گیا۔