لاہور بورڈ نے انٹرمیڈیٹ پارٹ 2 کے نتائج کا اعلان کردیا
انٹرمیڈیٹ پارٹ 2 کے نتائج کا اعلان
لاہور(ڈیلی پاکستان آن لائن) لاہور بورڈ نے انٹرمیڈیٹ پارٹ 2 کے نتائج کا اعلان کردیا۔
یہ بھی پڑھیں: کراچی، کچرا چنے والے 7 افغان باشندے گرفتار، مقدمہ درج، فی کس 50 ہزار روپے جرمانہ کا اعلان
امیدواروں کی تعداد اور کامیابی کی شرح
رپورٹ کے مطابق رواں سال امتحانات میں ایک لاکھ 80 ہزار امیدواروں نے شرکت کی۔ نتائج کے مطابق 70 فیصد لڑکیوں نے شاندار رزلٹ حاصل کیا جبکہ 40 ہزار سے زائد لڑکے انٹرمیڈیٹ امتحان میں ناکام رہے۔
یہ بھی پڑھیں: پنجاب بھر میں “چیف منسٹر انسولین” پروگرام شروع کرنے کا فیصلہ، لاہور سمیت 3 اضلاع میں پائلٹ پراجیکٹ شروع کیا جائے گا
چیئرمین کا تجزیہ
چیئرمین سی ایم ٹاسک فورس برائے تعلیمی بورڈز مزمل محمود نے نتائج کے تجزیے کے دوران بتایا کہ سائنس مضامین میں 76 فیصد سے زائد طلبہ کامیاب ہوئے، جب کہ آرٹس گروپ کی صورتحال تشویشناک رہی۔ آرٹس میں 24 ہزار امیدواروں میں سے صرف 6 ہزار طلبہ کامیاب ہو سکے۔
یہ بھی پڑھیں: حمزہ شوگر ملز سمیت 9 بیگاس پاور پلانٹ کی بجلی کے ٹیرف میں کمی کی درخواست
آرٹس گروپ کی ناکامی کی وجوہات
مزمل محمود کا کہنا تھا کہ آرٹس گروپ کے طلبہ کی ناکامی کی بڑی وجہ ریاضی اور انگریزی مضامین میں کمزور کارکردگی ہے۔ اساتذہ کو چاہیے کہ وہ آرٹس کے طلبہ پر بھی ویسی ہی توجہ دیں جیسی سائنس کے طلبہ کو دی جاتی ہے، تاکہ مجموعی تعلیمی معیار میں بہتری لائی جا سکے۔
یہ بھی پڑھیں: عدالتی فیسوں اور سکیورٹیز میں اضافے کے رولز معطل، 1980 کے قواعد بحال
نتائج کی دستیابی
لاہور بورڈ نے تمام نتائج اپنی ویب سائٹ پر اپ لوڈ کر دیے ہیں اور امیدوار بورڈ کی آفیشل ویب سائٹ پر جا کر آن لائن اپنا رزلٹ معلوم کر سکتے ہیں۔
یہ بھی پڑھیں: پی ٹی آئی آئینی ترامیم کے پراسس میں شامل رہی لیکن ووٹ نہیں دیا،مصدق ملک
پوزیشن ہولڈرز کا اعلان
یاد رہے کہ گزشتہ روز لاہور بورڈ نے انٹرمیڈیٹ پارٹ ٹو کے پوزیشن ہولڈرز کا اعلان کر دیا۔ سیکرٹری لاہور بورڈ رضوان نذیر اور کنٹرولر امتحانات نے نتائج کی تفصیلات جاری کیں۔ کپس کالج شیخوپورہ کی طالبہ خدیجہ طاہرہ نے 1159 نمبر لے کر پہلی پوزیشن حاصل کی۔ گورنمنٹ کنیئرڈ کالج کی ملیحہ خان نے 1157 نمبر لے کر دوسری پوزیشن حاصل کی۔
تیسری پوزیشن کے حامل طلبہ
پنجاب کالج فار گرلز قصور کی حرم عرفان نے 1156 نمبر کے ساتھ تیسری پوزیشن حاصل کی جبکہ کپس کالج شیخوپورہ کے محمد تنویر اور پنجاب کالج آف سائنس فیروز پور روڈ کے محمد شبان نے بھی 1156 نمبر حاصل کر کے تیسری پوزیشن میں شراکت داری کی۔
