لاہور بورڈ نے انٹرمیڈیٹ پارٹ 2 کے نتائج کا اعلان کردیا
انٹرمیڈیٹ پارٹ 2 کے نتائج کا اعلان
لاہور(ڈیلی پاکستان آن لائن) لاہور بورڈ نے انٹرمیڈیٹ پارٹ 2 کے نتائج کا اعلان کردیا۔
یہ بھی پڑھیں: پاکستان اور افغانستان قریبی ہمسایہ ممالک، تنازع میں شدت پر تشویش ہے: چینی وزارت خارجہ
امیدواروں کی تعداد اور کامیابی کی شرح
رپورٹ کے مطابق رواں سال امتحانات میں ایک لاکھ 80 ہزار امیدواروں نے شرکت کی۔ نتائج کے مطابق 70 فیصد لڑکیوں نے شاندار رزلٹ حاصل کیا جبکہ 40 ہزار سے زائد لڑکے انٹرمیڈیٹ امتحان میں ناکام رہے۔
یہ بھی پڑھیں: سیلفی لیتے ہوئے 130 فٹ اونچی چٹان سے گرنے والا سیاح معجزاتی طور پر زندہ بچ گیا
چیئرمین کا تجزیہ
چیئرمین سی ایم ٹاسک فورس برائے تعلیمی بورڈز مزمل محمود نے نتائج کے تجزیے کے دوران بتایا کہ سائنس مضامین میں 76 فیصد سے زائد طلبہ کامیاب ہوئے، جب کہ آرٹس گروپ کی صورتحال تشویشناک رہی۔ آرٹس میں 24 ہزار امیدواروں میں سے صرف 6 ہزار طلبہ کامیاب ہو سکے۔
یہ بھی پڑھیں: پرائم منسٹر الیکٹرک بائیک اور رکشہ اسکیم 2026 کا باقاعدہ آغاز ہو گیا ، حکومت کی جانب سے فی موٹر سائیکل پر80ہزار اور الیکٹرک رکشے پر 4لاکھ روپے سبسڈی دی جائے گی
آرٹس گروپ کی ناکامی کی وجوہات
مزمل محمود کا کہنا تھا کہ آرٹس گروپ کے طلبہ کی ناکامی کی بڑی وجہ ریاضی اور انگریزی مضامین میں کمزور کارکردگی ہے۔ اساتذہ کو چاہیے کہ وہ آرٹس کے طلبہ پر بھی ویسی ہی توجہ دیں جیسی سائنس کے طلبہ کو دی جاتی ہے، تاکہ مجموعی تعلیمی معیار میں بہتری لائی جا سکے۔
یہ بھی پڑھیں: سیلاب متاثرہ علاقوں میں ہیضہ، ڈینگی، ملیریا، سانس اور جلد کی بیماریاں تیزی سے پھیلنے لگیں، محکمہ صحت کی رپورٹ جاری
نتائج کی دستیابی
لاہور بورڈ نے تمام نتائج اپنی ویب سائٹ پر اپ لوڈ کر دیے ہیں اور امیدوار بورڈ کی آفیشل ویب سائٹ پر جا کر آن لائن اپنا رزلٹ معلوم کر سکتے ہیں۔
یہ بھی پڑھیں: بشریٰ اقبال کی دانیہ شاہ کو عامر لیاقت کی بیوہ کہنے سے گریز کرنے کی درخواست
پوزیشن ہولڈرز کا اعلان
یاد رہے کہ گزشتہ روز لاہور بورڈ نے انٹرمیڈیٹ پارٹ ٹو کے پوزیشن ہولڈرز کا اعلان کر دیا۔ سیکرٹری لاہور بورڈ رضوان نذیر اور کنٹرولر امتحانات نے نتائج کی تفصیلات جاری کیں۔ کپس کالج شیخوپورہ کی طالبہ خدیجہ طاہرہ نے 1159 نمبر لے کر پہلی پوزیشن حاصل کی۔ گورنمنٹ کنیئرڈ کالج کی ملیحہ خان نے 1157 نمبر لے کر دوسری پوزیشن حاصل کی۔
تیسری پوزیشن کے حامل طلبہ
پنجاب کالج فار گرلز قصور کی حرم عرفان نے 1156 نمبر کے ساتھ تیسری پوزیشن حاصل کی جبکہ کپس کالج شیخوپورہ کے محمد تنویر اور پنجاب کالج آف سائنس فیروز پور روڈ کے محمد شبان نے بھی 1156 نمبر حاصل کر کے تیسری پوزیشن میں شراکت داری کی۔
