سی پی پی اے نے نیپرا میں بجلی نرخ میں اضافے کی درخواست دے دی
بجلی کی قیمتوں میں اضافہ
اسلام آباد(ڈیلی پاکستان آن لائن) اگست کی فیول پرائس ایڈجسٹمنٹ کے تحت سی پی پی اے نے نیپرا میں بجلی مہنگی کرنے کی درخواست جمع کرا دی۔
یہ بھی پڑھیں: گھر کی چھت گرنے سے ایک ہی خاندان کے 5افراد جاں بحق
فیول پرائس ایڈجسٹمنٹ کی تفصیلات
نجی ٹی وی سما نیوز کے مطابق سنٹرل پاور پرچیزنگ ایجنسی نے اگست کی فیول پرائس ایڈجسٹمنٹ کی مد میں 19 پیسے فی یونٹ بجلی مہنگی کرنے کی درخواست دائر کی ہے۔ درخواست کے مطابق اگست میں 14 ارب 22 کروڑ یونٹس بجلی پیدا کی گئی جبکہ 13 ارب 71 کروڑ 50 لاکھ یونٹس بجلی ڈسکوز کو فراہم کی گئی۔
یہ بھی پڑھیں: لاہور میں ڈکیتی کی بڑی واردات، 2 ڈاکو شہری سے 2 کروڑ 17 لاکھ 55 ہزار روپے سے بھرا بیگ چھین کر فرار
بجلی کی فراہم کردہ لاگت
ڈسکوز کو دی جانے والی بجلی کی لاگت ساڑھے 7 روپے فی یونٹ رہی۔ اگست کے لیے ریفرنس لاگت 7 روپے 31 پیسے فی یونٹ مقرر تھی۔
نیپرا کی سماعت
فیول پرائس ایڈجسٹمنٹ کا اطلاق کے الیکٹرک صارفین پر بھی ہوگا۔ نیپرا اتھارٹی سی پی پی اے کی اس درخواست پر 29 ستمبر کو سماعت کرے گی۔
