جی ایچ کیو حملہ کیس؛ مسلسل غیرحاضر 18 ملزمان کو مفرور قرار
انسداد دہشتگردی عدالت کا فیصلہ
راولپنڈی (ڈیلی پاکستان آن لائن) انسداد دہشتگردی عدالت راولپنڈی نے جی ایچ کیو حملہ کیس میں مسلسل غیر حاضر 18 ملزمان کو مفرور قرار دے دیا۔
یہ بھی پڑھیں: پاک بھارت کشیدگی میں پہلی بار پاکستان کی جانب سے جے10 سی طیارے کا استعمال
پراسیکیوٹر کی وضاحت
نجی ٹی وی چینل دنیا نیوز کے مطابق دوران سماعت پراسیکیوٹر سید ظہیر شاہ نے کہا کہ ملزمان سزایافتہ اور قانون سے بھاگے ہوئے ہیں۔ ملزمان نے خود کو قانون کے سامنے سرنڈر نہیں کیا۔ ملزمان کی حاضری معافی قانون کے مطابق نہیں ہو سکتی، ملزمان کو اشتہاری قرار دینے کے قانونی تقاضے پورے ہو چکے ہیں۔
یہ بھی پڑھیں: پنجاب میں سیلاب سے متاثرہ روڈز کی تعمیر ومرمت کا کام شروع، ٹیمیں متحرک، بھاری مشینری پہنچا دی گئی
عدالت کا اقدام
عدالت نے مسلسل غیر حاضر 18 ملزمان کو مفرور قرار دیتے ہوئے غیر حاضر 18 پی ٹی آئی رہنماؤں کو اشتہاری قرار دینے کی کارروائی شروع کر دی ہے۔ عدالت نے 18 ملزمان کے ناقابل ضمانت وارنٹ گرفتاری جاری کر دیئے۔
ملزمان کی فہرست
ملزمان میں عمر ایوب، شبلی فراز، زرتاج گل، کنوب شوزب، شیخ راشد شفیق، شکیل نیازی، رائے حسن نواز، مہرمحمد جاوید، محمد احمد چٹھہ اور دیگر شامل ہیں۔
