پاکستان اور سعودی عرب کے درمیان معاہدہ بڑی چیز ہے، پاکستان پر خطرات تو ہمیشہ سے رہے مگر اب مزید بڑھ گئے ہیں، اسد عمر

اسد عمر کا سعودی عرب اور پاکستان کے معاہدے پر بیان

لاہور(ڈیلی پاکستان آن لائن) سابق وفاقی وزیر اور پی ٹی آئی رہنما اسد عمر نے کہا ہے کہ پاکستان اور سعودی عرب کے درمیان معاہدہ بڑی چیز ہے۔ انھوں نے مزید کہا کہ پاکستان پر خطرات تو ہمیشہ سے رہے ہیں مگر اب مزید بڑھ گئے ہیں، بھارت اور اسرائیل مل کر خطے کے اندر دھمکیاں دے رہے ہیں۔

یہ بھی پڑھیں: انگلینڈ کیخلاف جاری میچ کے دوران پاکستان کا اہم کھلاڑی بیمار ہو گیا

سیاسی استحکام کی ضرورت

لاہور میں انسداد دہشتگردی عدالت کے باہر میڈیا سے گفتگو کرتے ہوئے اسد عمر نے کہا کہ آج ہمارے ملک کے اندر سیاسی استحکام کی بہت ضرورت ہے۔ آج پاکستان کی عسکری طاقت کو دنیا مان رہی ہے۔ موجودہ حکمران مینڈیٹ نہ رکھتے ہوئے بھی حکومت میں بیٹھے ہیں۔

حکومت کی کارکردگی

ان کا کہنا تھا کہ کیا سیلاب کے دوران آپ کو حکمرانوں کا کوئی کردار نظر آ رہا ہے؟ سب سے بڑی سیاسی پارٹی کے ساتھ بات کیے بغیر استحکام نہیں آ سکتا۔ بانی پی ٹی آئی کے ساتھ بیٹھے بغیر سیاسی بحران کا حل نہیں نکل سکتا۔ کسان تباہ ہو چکا ہے، سیلاب کسانوں کا سب کچھ بہا کر لے گیا ہے۔