پولیس کا کچے میں آپریشن، موٹر وے سے اغوا ہونے والے 11 مغوی بازیاب

پولیس کا کامیاب آپریشن

صادق آباد(ڈیلی پاکستان آن لائن) کچے کے علاقے میں پولیس نے آپریشن کرکے موٹروے سے اغوا ہونے والے 11 مغوی بازیاب کرا لئے۔

یہ بھی پڑھیں: کیا آپ میرے انٹیریئر ڈیزائنر بن سکتے ہیں؟

مغویوں کی بازیابی کی تفصیلات

روزنامہ دنیا کے مطابق پولیس حکام کا کہنا ہے کہ پولیس نے پنجاب اور سندھ کے کچے میں مغویوں کی بازیابی کیلئے ٹارگٹڈ آپریشن کیا، 11 مغویوں کو چند روز قبل موٹر وے سے اغوا کیا گیاتھا، ڈاکوؤں نے مغویوں کو زنجیروں سے باندھ رکھا تھا۔

یہ بھی پڑھیں: مودی سرکار کی سفارتی ناکامیوں میں اضافہ، بڑے بڑوں کے استعفوں کی مانگ، اپوزیشن کی ’جارحانہ بیٹنگ جاری‘، بھارتی میڈیا بھی ”جاگنے“ لگا

بازیاب ہونے والوں کی شناخت

پولیس حکام کا مزید کہنا تھا کہ بازیاب ہونے والوں میں عمران، عمر، عبدالحمید، علی حسن، شوکت، قمر، عنایت اللہ، منیر، علی اور راحیل شامل ہیں، ڈاکوؤں نے چند روز قبل مغویوں کو یرغمال بنا کر ساتھی کی رہائی کا مطالبہ کیا تھا۔

جرائم کی سرکوبی کا عزم

پولیس حکام نے مزید بتایا کہ کچے کے جرائم پیشہ ڈاکوؤں کی سرکوبی کیلئے ٹارگٹڈ آپریشن کا سلسلہ جاری ہے۔