خواجہ سراؤں کے ساتھ پولیس کا امتیازی سلوک، پشاور ہائی کورٹ نے آئی جی خیبر پختونخوا سے رپورٹ طلب کر لی

پشاور ہائیکورٹ میں درخواست

پشاور (ڈیلی پاکستان آن لائن) ہائیکورٹ نے پولیس کے خلاف خواجہ سراؤں کی درخواست پر آئی جی خیبر پختونخوا سے 14 دن میں رپورٹ طلب کرلی۔

یہ بھی پڑھیں: مرحوم شہری نادرا ریکارڈ میں زندہ اور کنوارہ قرار، بچوں کو ب فارم کے حصول میں مشکلات

سماعت کی تفصیلات

درخواست پر سماعت جسٹس سید ارشد علی اور جسٹس فہیم ولی نے کی۔ وکیل درخواست گزار نے عدالت میں بتایا کہ صوبے بھر کے خواجہ سراؤں کے ساتھ پولیس کا رویہ ٹھیک نہیں ہے۔ خواجہ سرا بھی اس ملک کے شہری ہیں، ان کے بھی بنیادی حقوق ہیں۔

یہ بھی پڑھیں: صحافی کالونی کا خواب اب حقیقت، ترقیاتی منصوبے مکمل کیے جا رہے ہیں:سیکرٹری اطلاعات پنجاب سید طاہر ہمدانی

پولیس کے رویے پر تنقید

پولیس خواجہ سراؤں کے خلاف کارروائی کررہی ہے اور ان کو بے جا تنگ کیا جارہا ہے۔ درخواست گزار کے وکیل نے مزید کہا کہ صوابی اور پشاور سے خواجہ سراؤں کو ضلع بدر کیا جارہا ہے۔

حفاظت کی ناکامی

خواجہ سراؤں کا قتل ہورہا ہے، پولیس تحفظ دینے میں بھی ناکام ہوئی ہے۔