ہر دھاندلی پر 9 مئی کی ابتداء ہوئی، موجودہ الیکشن کمیشن کو تبدیل کرنا چاہئے، کیپٹن (ر) محمد صفدر

تقریب رونمائی

اسلام آباد (نمائندہ خصوصی علی اختر) بین الاقوامی صحافی اور مصنف علی فرقان کی نئی تصنیف ’’9 مئی سے 8 فروری تک‘‘ کی تقریب رونمائی ہوئی جس میں سیاسی رہنماؤں کیپٹن ریٹائرڈ صفدر، لطیف کھوسہ، ندیم افضل چن اور دیگر نے شرکت کی۔

یہ بھی پڑھیں: ہم نے بھارت کو منہ توڑ جواب دے دیا ہے، اب وہ کارووائی نہ کرے تو ہم بھی نہیں کریں گے،

پروفیسر فتح محمد ملک کا بیان

تقریب کی صدارت پروفیسر فتح محمد ملک نے کی، جنہوں نے کہا کہ بھارت پاکستان کا کچھ نہیں بگاڑ سکتا، خطرہ سیاستدانوں سے ہے، اس وقت ملک میں سیاسی نظام ٹوٹ پھوٹ کا شکار ہے۔

یہ بھی پڑھیں: عمران خان کے بیٹوں قاسم اور سلیمان کو امریکا میں پذیرائی نہ ملنے پر پاکستان آمد سے روکا گیا، مجیب الرحمان شامی

کیپٹن (ر) محمد صفدر کی رائے

اس موقع پر لیگی رہنما کیپٹن (ر) محمد صفدر نے کہا کہ بےنظیر بھٹو شہید کو لولی لنگڑی حکومت نہیں لینی چاہئے تھی، پھر نواز شریف کو نکالا گیا، ہر دھاندلی پر 9 مئی کی ابتداء ہوئی۔ انہوں نے الیکشن کمیشن کو استعفیٰ دینے کا مشورہ دیتے ہوئے موجودہ الیکشن کمیشن کو تبدیل کرنے کی ضرورت پر زور دیا۔

یہ بھی پڑھیں: پاکستان میں سانس لینے کی جنگ: بیجنگ اور لندن نے بدترین سموگ کے بحران کا حل کیسے تلاش کیا؟

لطیف کھوسہ کا خطاب

پاکستان تحریک انصاف کے وکیل لطیف کھوسہ نے تقریب سے خطاب میں کہا کہ پیپلز پارٹی بےنظیر بھٹو کے ساتھ ہی مر گئی۔ 1971 کی تاریخ دہرائی جا رہی ہے۔ اصل وزیراعظم عمران خان ہے، جو اب بھی عوام کے لئے ڈٹے ہوئے ہیں۔

یہ بھی پڑھیں: عدالتیں اپنے احکامات پر عمل کروائیں، ہم کوئی ریلیف نہیں قانون کے مطابق انصاف مانگتے، بیرسٹر گوہر

ندیم افضل چن کی باتیں

رہنما پیپلز پارٹی ندیم افضل چن نے کہا کہ اچھے کردار والوں کو تاریخ ہمیشہ یاد رکھتی ہے، ملک میں عدل نہیں ہے اور صحافت زوال پذیر ہے۔ انہوں نے صحافیوں کو اپنی جماعتی وابستگی کا اعلان کرنے کا مشورہ دیا۔

اجمل وزیر کا تجزیہ

سیاسی رہنما اجمل وزیر نے کہا کہ تمام بڑی جماعتیں حکومت میں ہیں اور چاپلوسی کے بغیر سیاست ممکن نہیں۔ پی ٹی آئی سمیت سب نے ٹرائیبل اضلاع کے انضمام کی بات کی تھی۔ ہمیں پاک سعودی دفاعی معاہدے پر فخر کرنا چاہئے۔