ملک بھر میں پرائیویٹ حج سکیم کے تحت درخواستوں کی وصولی کا آج سے آغاز ہو گیا

پرائیویٹ حج سکیم کی درخواستیں

اسلام آباد(ڈیلی پاکستان آن لائن) پرائیویٹ حج سکیم کے تحت درخواستوں کی وصولی کا آج سے آغاز ہو گیا۔

یہ بھی پڑھیں: مسیحی اسپیکر دیوان بہادر ایس پی سنگھا نے اپنا کاسٹنگ ووٹ پاکستان کے حق میں ڈال کر اسمبلی سے پنجاب کی پاکستان کے ساتھ الحاق کی قرارداد پاس کروائی

درخواست گزاروں کی تعداد

وزارت مذہبی امور کا کہنا ہے کہ سکیم کے تحت 37 ہزار 900 عازمین درخواستیں جمع کروا سکیں گے، گزشتہ سال رہ جانے والے عازمین کو پرائیویٹ حج آپریٹرز پہلے موقع دیں گے۔

یہ بھی پڑھیں: صوبے میں جدید زرعی مشینری کے استعمال سے سموگ اور فضائی آلودگی میں نمایاں کمی آئی ،مریم اورنگزیب

پچھلے عازمین کی تفصیلات

ذرائع کے مطابق گزشتہ سال حج پر نہ جانے والے 22 ہزار 97 عازمین نے رجسٹریشن کروائی ہے، گزشتہ سال حج سے رہ جانے والے عازمین کی رجسٹریشن مکمل ہونے کا پرائیویٹ حج آپریٹرز بیان حلفی دیں گے۔

حج کوٹے کی معلومات

وزارت مذہبی امور نے کہا ہے کہ اس سال پرائیویٹ حج آپریٹرز کا کوٹہ 60 ہزار مقرر کیا گیا ہے، 22 ہزار 97 عازمین گزشتہ برس حج سے محروم رہ جانے والے اور 37 ہزار 903 نئے درخواست گزار حج پر اس سکیم کے تحت جاسکیں گے۔