عمران خان کا ملک ریاض کو بھیجا گیا اہم پیغام سامنے آگیا

عمران خان کا شکریہ ادا کرنا

راولپنڈی (ڈیلی پاکستان آن لائن) صحافی زاہد گشکوری نے دعویٰ کیا ہے کہ عمران خان نے اپنے ایک خاص دوست کے ذریعے ملک ریاض کا شکریہ ادا کیا ہے کہ وہ 190 ملین پاؤنڈ کیس میں وعدہ معاف گواہ نہیں بنے، جس سے ان کے خلاف یہ کیس ختم ہو سکتا ہے۔

یہ بھی پڑھیں: راولپنڈی میں ڈکیتی کے دوران دل کا دورہ پڑنے سے شہری جاں بحق

ملک ریاض کا موقف

صحافی نے اپنے ویلاگ میں کہا کہ ملک ریاض اس حوالے سے اپنے موقف پر قائم ہو گئے ہیں۔ ایک وقت تھا کہ ڈیل کی بات چیت چل رہی تھی، لیکن اب اس سٹیج پر عمران خان اور اسٹیبلشمنٹ کے درمیان بھی اور ملک ریاض اور اسٹیبلشمنٹ کے درمیان بھی ایک ڈیڈ لاک موجود ہے۔

یہ بھی پڑھیں: ڈیڑھ سال سے کچھ مخصوص عناصر کے اشاروں پر میری کردار کشی اور گالیاں دی جا رہی ہیں، شیرا فضل مروت

عمران خان کا پیغام

انہوں نے کہا کہ ایسی صورتحال میں عمران خان کا ملک ریاض کے لیے پیغام اہمیت کا حامل ہے، یہ اسٹیبلشمنٹ کے لیے بھی پیغام ہے۔

ملک ریاض کا ممکنہ رد عمل

ان کا کہنا تھا کہ اب یہ دیکھنا ہوگا کہ ملک ریاض اس پیغام پر رد عمل دیتے ہیں یا نہیں کیونکہ ان پر بہت زیادہ دباؤ ہے۔ ان پر کیسز ہیں اور وہ مطلوب ہیں، پاکستان میں ان کی جائیداد بھی فریز ہیں، جبکہ عمران خان کے خلاف بھی کیسز لگے ہوئے ہیں۔