ڈکی بھائی کے خلاف کارروائی کرنے والا ایف آئی اے افسر سرفراز چوہدری معطل
سرفراز چوہدری کی معطلی
لاہور، اسلام آباد (ویب ڈیسک) معروف یوٹیوبر ڈکی بھائی کے خلاف کارروائی کرنے والے ایف آئی اے افسر سرفراز چوہدری کو معطل کردیا گیا۔ ایڈیشنل ڈائریکٹر NCCIA جوئے کی تشہیر کے کیس میں متحرک تھے۔ اب جنت مرزا اور متھیرا کو بھی نوٹس جانے والے تھے۔ جبکہ ایک اطلاع یہ بھی ہے کہ لاہور پولیس کے افسروں کیخلاف صحافیوں کی درخواست قبول کرنے پر بھی ان سے بازپرس ہوئی تھی۔ معطلی کے بعد سرفراز چوہدری نے لاہور میں اپنے دفتر کا چارج چھوڑ دیا، یہ بات صحافی و ولاگر منصور علی خان نے بتائی۔
یہ بھی پڑھیں: سندھ میں اوور سپیڈنگ کرنے والوں اور نابالغ ڈرائیورز کیخلاف حکم آ گیا
ڈکی بھائی کی گرفتاری
منصور علی خان نے اپنے ولاگ میں بتایا کہ ڈکی بھائی جوئے کی تشہیر کے کیس میں گرفتار ہیں، اور دیگر لوگوں کو بھی نوٹس دیے گئے ہیں۔ جوئے کی تشہیر کرنے والے ٹک ٹاکرز اور یوٹیوبرز کیخلاف انہوں نے سخت کارروائی کی اور ڈکی بھائی کے کروڑوں روپے کا پتہ لگایا، لیکن ضروری نہیں کہ یہ کمائی غیر قانونی ہو۔ سرفراز چوہدری اس کیس کی چھان بین کر رہے تھے اور ذرائع بتاتے ہیں کہ اگلے مرحلے میں بھی جنت مرزا اور متھیرا کو نوٹس جانے والے تھے، مگر سرفراز چوہدری کو معطل کردیا گیا۔ ندیم نانی والا، رجب بٹ، اور اقرار کنول کو نوٹس جاچکے ہیں۔
یہ بھی پڑھیں: راولپنڈی میں شوہر نے سسرال میں تیز دھار آلے سے بیوی کی جان لے لی
صحافیوں کے دباؤ کا اثر
مزید بتایا گیا کہ ایک تھیوری یہ ہے کہ شاید ٹک ٹاکرز کے کیس کا پریشر ہو۔ ایک اور تھیوری بھی موجود ہے، جس کے مطابق کچھ ہفتوں سے لاہور کے صحافیوں اور پنجاب پولیس کا تنازعہ چل رہا ہے۔ کچھ صحافیوں نے پولیس کے افسران کے خلاف پریس کانفرنس بھی کی۔ بنیادی طور پر ان صحافیوں کی طرف سے NCCIA سے رابطہ کیا گیا اور شکایت درج کرائی گئی جو منظور کرلی گئی۔ سرفراز چوہدری نے موقف اختیار کیا کہ اگر کوئی سائل آئے تو شکایت سننی ضروری ہے۔
آنے والے مراحل اور شواہد
سرفراز چوہدری نے لاہور میں اپنے دفتر کا چارج چھوڑ دیا ہے اور انہیں اسلام آباد میں رپورٹ کرنے کی ہدایت کی گئی ہے۔ جوئے کی تشہیر کے کیس پر بھی شبہ ظاہر کیا جا رہا ہے کہ کہیں اس میں بھی مزید افراد شامل نہ ہوں کیونکہ مزید افراد کے بارے میں ماضی میں اشتہارات جاری ہو چکے ہیں۔ شواہد موجود ہیں کہ ان لوگوں نے بھی کام کیا ہوا ہے۔
