سکھر میں بااثر وڈیرے کا جانور پر بدترین تشدد، مبینہ طور پر اونٹنی کی ٹانگ توڑ دی، علاج کے لیے کراچی منتقل

سکھر میں اونٹنی پر ظلم

سکھر (ویب ڈیسک) تحصیل صالح پٹ کے علاقے میں کھیت میں گھس کر پانی پینے پر با اثر وڈیرے نے مبینہ طور پر بے زبان اونٹنی کو بد ترین تشدد کا نشانہ بنایا، جس سے اس کی ٹانگ ٹوٹ گئی۔ مالک کا دعویٰ ہے کہ زخمی اونٹنی کو ٹریکٹر کے ساتھ باندھ کر گھسیٹا گیا، اب اس بے زبان مضروبہ کو کراچی منتقل کردیا گیا۔

یہ بھی پڑھیں: میاں بیوی اور میچ ۔۔۔(مسکرائیے )

اونٹنی کے مالک کی شکایت

جیونیوز کے مطابق اونٹنی کے مالک کا کہنا ہے کہ وڈیرے نے غصے میں اونٹنی کو ٹریکٹر سے باندھ کر گھسیٹا اور منہ پر ڈنڈے بھی مارے۔ جب زخمی اونٹنی کا علاج کروانے ہسپتال پہنچے تو ڈاکٹروں نے انکار کردیا، زمین بھی غیرآباد تھی جہاں کوئی فصل ہی نہیں تھی۔

یہ بھی پڑھیں: دوستی کا اختتام: مدثر کے ساتھ اگر دوست دوست نہ رہے تو اس بریک اپ کا سامنا کیسے کریں؟

پولیس کی کارروائی

کندھرا پولیس نے اونٹنی مالک کی مدعیت میں واقعے کا مقدمہ درج کرلیا اور بتایا کہ مقدمے میں نامزد 3 ملزمان میں سے ایک کو گرفتار کرلیا گیا جبکہ دیگر کی گرفتاری کے لیے چھاپے مارے جا رہے ہیں۔

وزیر اعلیٰ سندھ کا نوٹس

وزیر اعلیٰ سندھ مراد علی شاہ نے واقعے کا نوٹس لیتے ہوئے میئر سکھر سے رپورٹ طلب کر لی اور کہا ہے کہ جانور کے ساتھ اس طرح کا سلوک کسی صورت برداشت نہیں کیا جا سکتا۔ ساتھ ہی چیئرمین ڈسٹرکٹ کونسل سکھر کو اونٹنی کا علاج کرانے کی ہدایت کردی۔ چیئرمین ڈسٹرکٹ کونسل کے مطابق، ابتدائی علاج کے بعد اونٹنی کو فوری کراچی روانہ کیا گیا ہے۔