پاکستان تحریک انصاف 20 سے 24 ستمبر تک ربیع الاول کے بابرکت ایام میں “حکم اذاں” تحریک چلائے گی،حلیم عادل شیخ۔

پی ٹی آئی سندھ کی "حکم اذان" تحریک

کراچی (ڈیلی پاکستان آن لائن) پی ٹی آئی سندھ کے صدر حلیم عادل شیخ کا کہنا ہے کہ پاکستان تحریک انصاف 20 سے 24 ستمبر تک ربیع الاول کے بابرکت ایام میں "حکم اذان" تحریک چلائے گی۔

یہ بھی پڑھیں: چیمپئنز ٹرافی، چیئرمین پی سی بی نے بھارتی شائقین کرکٹ کیلئے بڑا اعلان کر دیا

اذان کی اہمیت

سوشل رابطے کی ویب سائٹ ایکس پر جاری بیان میں انہوں نے کہا کہ اذان، ایمان اور عشقِ رسول ﷺ کی علامت ہے۔ ہمارے قائد عمران خان عاشقِ رسول ﷺ ہیں، اور اذان سے صرف شیطان ڈرتا ہے۔ آئیے اذان دیں، درود پڑھیں، اور ظلم و جبر کے نظام سے نجات کی دعا کریں۔

پاکستان تحریک انصاف 20 سے 24 ستمبر تک ربیع الاول کے بابرکت ایام میں "حکم اذان" تحریک چلائے گی۔ اذان، ایمان اور عشقِ رسول ﷺ کی علامت ہے۔ ہمارے قائد عمران خان عاشقِ رسول ﷺ ہیں، اور اذان سے صرف شیطان ڈرتا ہے۔ آئیے اذان دیں، درود پڑھیں، اور ظلم و جبر کے نظام سے نجات کی دعا کریں۔ pic.twitter.com/1hrhvWCU6G

— Haleem Adil Sheikh (@HaleemAdil) September 20, 2025

یہ بھی پڑھیں: پنجاب کا 26-2025ء کیلئے 5335 ارب روپے کا بجٹ اسمبلی میں پیش

اجتماعی اذان کا پیغام

ایکس پر جاری اپنے ویڈیو بیان میں حلیم عادل شیخ نے کہا کہ اذانیں تو دی جانی تھیں اور ہم سب تیار بھی تھے۔ لیکن گزشتہ رات تک ہمیں اس بات کا علم نہیں تھا۔ ایک عالمِ دین نے بتایا کہ “مشن نور” ایک متنازعہ نام ہے۔ میں نے یہ بات فوراً پولیٹیکل کمیٹی میں شیئر کی جہاں صاحبزادہ حامد رضا صاحب اور دیگر ساتھیوں نے بھی اس کی تائید کی۔

یہ بھی پڑھیں: پاکستان سے جنگ کے دوران گرائے گئے بھارتی رافیل طیاروں کے نمبر سامنے آگئے

نام میں تبدیلی کا فیصلہ

صاحبزادہ صاحب نے بھی علماء کرام سے تصدیق کی اور ہم سب نے معلوم کیا۔ سب نے یہی کہا کہ اس کی کڑیاں قادیانیت سے ملتی ہیں۔ چونکہ اذان پر کوئی اعتراض نہیں تھا بلکہ صرف نام متنازعہ تھا، اس لیے ضروری تھا کہ نام تبدیل کیا جائے۔ وقت بہت کم تھا، اس لیے پارٹی کے آفیشل اعلامیے کا انتظار کیے بغیر میں نے فوری طور پر اس نام کو رکوا دیا۔ یہ میرا فرض تھا کہ کسی بھی متنازعہ چیز کو آگے نہ بڑھنے دیا جائے۔

یہ بھی پڑھیں: دو ایئر پورٹس پر منشیات سمگلنگ کی کوشش ناکام، 2کلو سے زائد آئس برآمد، 2ملزمان گرفتار

حکمِ اذان کا اعلان

الحمدللہ آج صبح ہم نے سینیٹر نوراُلحق قادری صاحب سے بات کی، پوری پارٹی لیڈرشپ سے مشاورت ہوئی اور سب نے اتفاق کیا کہ اس کا نام بدل کر “حکمِ اذان” رکھا جائے۔ صرف ایک دن نہیں بلکہ 20 سے 24 ستمبر تک، چار دن متواتر ہر جگہ بھرپور انداز میں اذانیں دی جائیں گی، کیونکہ پاکستان پر بہت بڑی آزمائش ہے۔ اللہ تعالیٰ کا شکر ہے کہ معاملہ بہتر انداز میں حل ہو گیا۔

ذاتی تشہیر سے بیزار

نوراُلحق قادری صاحب، جو کہ عمران خان صاحب کے فوکل پرسن برائے مذہبی امور ہیں، نے اس حوالے سے باقاعدہ بیان جاری کر دیا ہے جو پارٹی کا آفیشل مؤقف ہے۔ اس سے پہلے پارٹی کی طرف سے کوئی اعلامیہ نہیں تھا، لیکن اب ہے کہ اذانیں “حکمِ اذان” کے نام سے دی جائیں گی۔ جہاں تک میری ذات پر پروپیگنڈے کا تعلق ہے، مجھے اس کی پرواہ نہیں۔ میرا ضمیر مطمئن ہے کہ میں نے اذان پر کوئی اعتراض نہیں کیا تھا، میرا اعتراض صرف نام پر تھا، اور الحمدللہ یہ درست انداز میں حل ہو گیا ہے۔ جو میرا موقف صحیح سمجھ رہے تھے اُن کا شُکریہ، اور جو غلط سمجھ رہے تھے اُمید ہے اُن کو اب اندازہ ہوگیا ہوگا۔

اذانیں تو دی جانی تھیں اور ہم سب تیار بھی تھے۔ لیکن گزشتہ رات تک ہمیں اس بات کا علم نہیں تھا۔ ایک عالمِ دین نے بتایا کہ “مشن نور” ایک متنازعہ نام ہے۔ میں نے یہ بات فوراً پولیٹیکل کمیٹی میں شیئر کی جہاں صاحبزادہ حامد رضا صاحب اور دیگر ساتھیوں نے بھی اس کی تائید کی۔

— Haleem Adil Sheikh (@HaleemAdil) September 20, 2025