معطل نہیں ہوا بلکہ اسلام آباد تبادلہ ہوا ہے، سرفراز چوہدری

سرفراز چوہدری کا تبادلہ

لاہور (ڈیلی پاکستان آن لائن) فیڈرل انویسٹی گیشن ایجنسی (ایف آئی اے) کے افسر سرفراز چوہدری کا کہنا ہے کہ وہ معطل نہیں ہوئے بلکہ ان کا اسلام آباد تبادلہ ہوا ہے۔

یہ بھی پڑھیں: حکومت نے 6 مزید ایل این جی کارگو عالمی مارکیٹ کی طرف موڑ دیئے، بڑی خبر آ گئی

معروف کیس میں شہرت

سرفراز چوہدری نے نیشنل کرائم انویسٹی گیشن ایجنسی (این سی سی آئی اے) کے ایڈیشنل ڈائریکٹر کے طور پر اس وقت شہرت حاصل کی جب انہوں نے معروف یوٹیوبر سعد الرحمان عرف ڈکی بھائی کو جوئے کی ایپ کی تشہیر کے کیس میں گرفتار کیا۔

یہ بھی پڑھیں: ٹیکس وصولی کا رواں مالی سال کا ٹارگٹ آسان نہیں مگر ممکن ہے: چیئرمین ایف بی آر

بیان کی وضاحت

میڈیا کو جاری کیے گئے اپنے بیان میں سرفراز چوہدری نے کہا کہ وہ اسلام آباد ٹرانسفر ہوچکے ہیں اور ان کی جگہ نئے افسر نے لاہور میں چارج سنبھال لیا ہے۔ انہوں نے اسلام آباد تبادلے کے بعد چھ مہینے کی رخصت لی ہے، وہ اس بات کی تردید کرتے ہیں کہ انہیں معطل کیا گیا۔

یہ بھی پڑھیں: آئی فون 17 بھی وائز مارکیٹ کے ذریعے پاکستان میں سب سے پہلے یاسر شامی کو ملے گا

جرائم کے خلاف کارروائی

سرفراز چوہدری کا مزید کہنا تھا کہ ان کا بیانیہ وہی ہے جو ریاست کا بیانیہ ہے۔ وہ جرائم کے خلاف کارروائی جاری رکھیں گے۔ جو انہوں نے بیڑا اٹھایا تھا وہ اسے پار لگائیں گے۔

معلومات کی صفائی

واضح رہے کہ اس سے قبل یہ خبریں آئی تھیں کہ معروف یوٹیوبر ڈکی بھائی کے خلاف کارروائی کرنے والے ایف آئی اے افسر سرفراز چوہدری کو معطل کردیا گیا، ایڈیشنل ڈائریکٹر NCCIA جوئے کی تشہیر کے کیس میں متحرک تھے۔ اب جنت مرزا اور متھیرا کو بھی نوٹس جانے والے تھے جبکہ ایک اطلاع یہ بھی ہے کہ لاہور پولیس کے افسرا ن کیخلاف صحافیوں کی درخواست قبول کرنے پر بھی ان سے بازپرس ہوئی تھی۔