معطل نہیں ہوا بلکہ اسلام آباد تبادلہ ہوا ہے، سرفراز چوہدری

سرفراز چوہدری کا تبادلہ

لاہور (ڈیلی پاکستان آن لائن) فیڈرل انویسٹی گیشن ایجنسی (ایف آئی اے) کے افسر سرفراز چوہدری کا کہنا ہے کہ وہ معطل نہیں ہوئے بلکہ ان کا اسلام آباد تبادلہ ہوا ہے۔

یہ بھی پڑھیں: متحدہ عرب امارات میں کھلے میدانوں میں نماز عید پر پابندی عائد

معروف کیس میں شہرت

سرفراز چوہدری نے نیشنل کرائم انویسٹی گیشن ایجنسی (این سی سی آئی اے) کے ایڈیشنل ڈائریکٹر کے طور پر اس وقت شہرت حاصل کی جب انہوں نے معروف یوٹیوبر سعد الرحمان عرف ڈکی بھائی کو جوئے کی ایپ کی تشہیر کے کیس میں گرفتار کیا۔

یہ بھی پڑھیں: وزیراعلیٰ مریم نواز کی ریاض اسلامک سولڈیرٹی گیمز میں کامیابی پر ارشد ندیم کو مبارکباد

بیان کی وضاحت

میڈیا کو جاری کیے گئے اپنے بیان میں سرفراز چوہدری نے کہا کہ وہ اسلام آباد ٹرانسفر ہوچکے ہیں اور ان کی جگہ نئے افسر نے لاہور میں چارج سنبھال لیا ہے۔ انہوں نے اسلام آباد تبادلے کے بعد چھ مہینے کی رخصت لی ہے، وہ اس بات کی تردید کرتے ہیں کہ انہیں معطل کیا گیا۔

یہ بھی پڑھیں: وفاقی وزراء اور اپوزیشن لیڈر محمود خان اچکزئی کی پارلیمنٹ کی لائبریری میں اہم ملاقات

جرائم کے خلاف کارروائی

سرفراز چوہدری کا مزید کہنا تھا کہ ان کا بیانیہ وہی ہے جو ریاست کا بیانیہ ہے۔ وہ جرائم کے خلاف کارروائی جاری رکھیں گے۔ جو انہوں نے بیڑا اٹھایا تھا وہ اسے پار لگائیں گے۔

معلومات کی صفائی

واضح رہے کہ اس سے قبل یہ خبریں آئی تھیں کہ معروف یوٹیوبر ڈکی بھائی کے خلاف کارروائی کرنے والے ایف آئی اے افسر سرفراز چوہدری کو معطل کردیا گیا، ایڈیشنل ڈائریکٹر NCCIA جوئے کی تشہیر کے کیس میں متحرک تھے۔ اب جنت مرزا اور متھیرا کو بھی نوٹس جانے والے تھے جبکہ ایک اطلاع یہ بھی ہے کہ لاہور پولیس کے افسرا ن کیخلاف صحافیوں کی درخواست قبول کرنے پر بھی ان سے بازپرس ہوئی تھی۔