ایشیا کپ، بنگلادیش نے سری لنکا کو 4 وکٹوں سے شکست دے دی

بنگلادیش کی شاندار فتح

دبئی (ڈیلی پاکستان آن لائن) ایشیا کپ ٹی ٹوئنٹی کے سپر فور مرحلے کے پہلے میچ میں بنگلادیش نے سنسنی خیز مقابلے کے بعد سری لنکا کو 4 وکٹوں سے شکست دے دی۔

یہ بھی پڑھیں: پولیو ورکرز کے بھیس میں آنے والی خواتین ڈکیتوں نے خاتون کو خنجر کی نوک پر یرغمال بناکر گھر کا صفایا کردیا

میچ کی تفصیلات

دبئی میں کھیلے گئے میچ میں بنگلادیش نے ٹاس جیت کر سری لنکا کو پہلے بیٹنگ کی دعوت دی۔ سری لنکن ٹیم نے مقررہ 20 اوورز میں 7 وکٹوں کے نقصان پر 168 رنز اسکور کیے۔ داسن شناکا 63 رنز کے ساتھ ناٹ آؤٹ رہے جبکہ کوشل مینڈس نے 34، پاتھم نسانکا نے 22 اور آسرالکا نے 21 رنز جوڑے۔ بنگلادیش کی جانب سے مستفیض الرحمان سب سے کامیاب بولر رہے جنہوں نے 3 کھلاڑیوں کو پویلین بھیجا۔

بنگلادیش کی کامیابی

ہدف کے تعاقب میں بنگلادیش نے آخری اوور میں 6 وکٹوں کے نقصان پر 169 رنز بنا کر کامیابی حاصل کی۔ سیف حسن 61 رنز کے ساتھ نمایاں بلے باز رہے جبکہ توحید ہردوئے نے 58 رنز کی شاندار اننگز کھیلی۔ کپتان لٹن داس نے 23 اور شمیم حسن نے 14 رنز کا حصہ ڈالا۔