برطانوی وزیراعظم آج فلسطین کو ریاست تسلیم کرنے کا اعلان کریں گے

برطانوی وزیراعظم کا اعلان

لندن (ڈیلی پاکستان آن لائن) برطانوی وزیراعظم کیئرسٹارمر آج فلسطین کو ریاست تسلیم کرنے کا اعلان کریں گے۔

یہ بھی پڑھیں: FCIT نے 2025 ICPC ایشیا ٹوپی ریجنل آن سائٹ کانٹیسٹ کی میزبانی اور کوہوسٹنگ کی ذمہ داریاں سنبھال لیں

اعلان کی تفصیلات

غیرملکی میڈیا رپورٹس کے مطابق، برطانوی وزیراعظم کیئرسٹارمر اتوار کو فلسطین کو ریاست تسلیم کرنے کا اعلان کرسکتے ہیں۔ انہوں نے یہ اعلان امریکی صدر کے دورہ برطانیہ کی وجہ سے مؤخر کیا۔

یہ بھی پڑھیں: سوال یہ نہیں کہ عمران خان قیدِ تنہائی میں کیوں ہیں بلکہ یہ ہے کہ وہ قید میں کیوں ہیں؟ علیمہ خان

حکومتی فیصلے کی وضاحت

برطانوی میڈیا کے مطابق، صدر ٹرمپ کے دورے کے باوجود لیبر پارٹی کی حکومت فلسطین کو تسلیم کرنے کے فیصلے پر قائم ہے، جبکہ اگلے چند روز میں حماس پر پابندیوں کا بھی اعلان کیا جاسکتا ہے۔

یہ بھی پڑھیں: پنجاب میں ریونیو بڑھانے کے لیے 19 نئے سیکٹرز ٹیکس نیٹ میں شامل کرنے پر غور

امریکی صدر کے ساتھ خدشات

اسرائیلی اخبار کی جانب سے دعوی کیا گیا ہے کہ برطانوی وزیراعظم کو خدشہ تھا کہ اعلان سے امریکی صدر اختلاف کرسکتے ہیں۔ کیئر اسٹارمر اقوام متحدہ اسمبلی اجلاس میں شرکت کے لیے روانگی سے قبل اعلان کر سکتے ہیں۔

فرانسیسی صدر کا اقدام

دوسری جانب، فرانسیسی صدر میکرون نے سعودی ولی عہد شہزادہ محمد بن سلمان کو ٹیلی فون کیا، جہاں دونوں رہنماؤں نے ٹو اسٹیٹ کانفرنس پر تبادلہ خیال کیا۔ فرانس اور سعودی عرب کی میزبانی میں ٹو اسٹیٹ کانفرنس کل اقوام متحدہ میں ہوگی، جس میں دس ممالک فلسطینی کو تسلیم کرنے کا اعلان کریں گے۔