ابھیشیک شرما اوقات سے باہر ہو گیا، پاکستانی کھلاڑیوں کے خلاف گھٹیا بیان دے دیا

ایشیا کپ میں شاندار کارکردگی

دبئی(ڈیلی پاکستان آن لائن) ایشیا کپ کے سپر فور مرحلے میں پاکستان کے خلاف شاندار کارکردگی دکھانے پر ابھشیک شرما کو "پلیئر آف دی میچ" قرار دیا گیا۔ انہوں نے صرف 39 گیندوں پر 74 رنز بنائے جس میں 6 چوکے اور 5 چھکے شامل تھے۔

یہ بھی پڑھیں: مخصوص نشستوں سے متعلق کیس؛ سپریم کورٹ نے سنی اتحاد کونسل کی متفرق درخواستوں پر فیصلہ سنا دیا

ابھشیک شرما کا بیان

میچ کے بعد گفتگو کرتے ہوئے ابھشیک شرما نے کہا کہ ان کا منصوبہ بالکل سادہ تھا۔ انہوں نے کہا جس انداز میں وہ ہم پر دباؤ ڈال رہے تھے، مجھے بالکل پسند نہیں آیا، اور یہی ایک طریقہ تھا کہ میں ان کو دوائی دے سکوں۔

یہ بھی پڑھیں: بازی پلٹ دی، استادوں کی باتیں پلو سے باندھ لیتا، استادوں کا گیان معاملات سلجھادیتا ہے،بے فکر رہیں ”سخاوت“ میں سخاوت والی کوئی بات نہیں

شبمن گل کے ساتھ شراکت داری

ابھشیک نے مزید کہا کہ وہ سکول کے دنوں سے شبمن گل کے ساتھ کھیلتے آرہے ہیں اور کافی عرصے سے ان کے ساتھ اس طرح کی شراکت داری کا انتظار کر رہے تھے۔ انہوں نے کہا کہ ٹیم کے لیے یہ اہم ہے کہ وہ اسی جارحانہ انداز میں کھیلیں، اور وہ اس لیے ایسا کر پاتے ہیں کیونکہ پوری ٹیم ان کا حوصلہ بڑھاتی ہے، حالانکہ یہ انداز خطرے سے خالی نہیں۔

بھارتی ٹیم کی کامیابی

ابھشیک کی یہ اننگز بھارت کی کامیابی میں فیصلہ کن ثابت ہوئی۔