ٹرمپ کا پولینڈ اور بالٹک ریاستوں کے دفاع کا اعلان
ٹرمپ کا دفاعی بیان
واشنگٹن (ڈیلی پاکستان آن لائن) امریکی صدر ڈونلڈ ٹرمپ نے کہا ہے کہ اگر روس کی جانب سے کشیدگی میں اضافہ کیا گیا تو وہ پولینڈ اور بالٹک ریاستوں (ایسٹونیا، لتھوانیا اور لٹویا) کا دفاع کریں گے۔ یہ بیان اس وقت سامنے آیا ہے جب روسی جنگی طیاروں نے ایسٹونیا کی فضائی حدود کی خلاف ورزی کی۔
یہ بھی پڑھیں: ستاروں کی روشنی میں آپ کا آج (جمعے) کا دن کیسا رہے گا ؟
روس کی فضائی حدود کی خلاف ورزی
اتوار کو صحافیوں سے گفتگو کرتے ہوئے ٹرمپ سے پوچھا گیا کہ آیا وہ یورپی یونین کے ان رکن ممالک کا دفاع کریں گے اگر روسی کارروائیاں بڑھتی ہیں؟ تو صدر نے جواب دیا: "ہاں، میں کروں گا۔ بالکل کروں گا۔"
یہ بھی پڑھیں: ریڑھ کی ہڈی کے آپریشن شدہ مریض کی گرفتاری، سپریم کورٹ کا اظہارِ برہمی
اقوام متحدہ کا ہنگامی اجلاس
ایسٹونیا نے روسی طیاروں کی خلاف ورزی کے بعد اقوام متحدہ کی سلامتی کونسل کا ہنگامی اجلاس پیر کو طلب کرنے کی درخواست کی ہے۔
یہ بھی پڑھیں: ملک بوستان کی اسلام آباد میں اہم شخصیت سے ملاقات، ڈالر کے ریٹ پر گفتگو
یورپی ردعمل
یورپی یونین اور نیٹو نے اس واقعے کو "خطرناک اشتعال انگیزی" قرار دیا ہے، تاہم ماسکو نے خلاف ورزی سے انکار کیا ہے۔
یہ بھی پڑھیں: اقوام متحدہ میں ایرانی مشن کا اہم بیان آ گیا
روسی لڑاکا طیاروں کی موجودگی
خبر ایجنسی اے ایف پی کے مطابق جمعہ کو روس کے تین MiG-31 لڑاکا طیارے خلیج فن لینڈ کے قریب ایسٹونیا کی فضائی حدود میں داخل ہوئے، جس پر اطالوی F-35 طیاروں سمیت سوئیڈن اور فن لینڈ کے جنگی جہازوں نے فوری طور پر فضا میں بلند ہو کر روسی طیاروں کو واپس جانے پر مجبور کر دیا۔
یہ بھی پڑھیں: فرانس: 15 سالہ طالبعلم کے چاقو کے وار سے ٹیچنگ اسسٹنٹ جاں بحق
ٹرمپ کی بریفنگ
ٹرمپ نے تصدیق کی کہ انہیں ایسٹونیا کی صورت حال پر بریفنگ دی گئی ہے اور انہوں نے کہا: "ہمیں یہ سب اچھا نہیں لگا۔"
پولینڈ میں ڈرون کی خلاف ورزی
یاد رہے کہ دو ہفتے قبل 17 روسی ڈرونز پولینڈ کی فضائی حدود میں داخل ہوئے تھے جسے ٹرمپ نے اُس وقت ممکنہ "غلطی" قرار دیا تھا۔
