کیا پاکستان اب بھی ایشیا کپ فائنل کھیل سکتا ہے؟

پاکستان کرکٹ فینز کی مایوسی

دبئی(ڈیلی پاکستان آن لائن)ایشیا کپ ٹی ٹوئنٹی 2025 کے سپر فور مرحلے میں بھارت کے ہاتھوں شکست نے پاکستانی کرکٹ فینز کو مایوس کر دیا ہے۔

یہ بھی پڑھیں: موٹروے پر مسافر بس کو حادثہ، کم از کم 2 مسافر جاں بحق

میچ کی تفصیلات

بھارت نے ٹاس جیت کر پہلے فیلڈنگ کرنے کا فیصلہ کیا۔ پاکستان نے بیٹنگ کرتے ہوئے 20 اوورز میں 5 وکٹوں کے نقصان پر 171 رنز سکور کیے۔

تاہم 172 رنز کا بظاہر ایک اچھا ہدف بھارت نے 19 ویں اوور میں 4 وکٹوں کے نقصان پر حاصل کر لیا، اس طرح پاکستان کو ٹورنامنٹ میں بھارت کے ہاتھوں دوسری مرتبہ شکست کا سامنا کرنا پڑا۔ شاندار بلے بازی پر ابھیشیک شرما کو میچ کا بہترین کھلاڑی قرار دیا گیا۔

یہ بھی پڑھیں: کابل جا کر چائے پینے اور دہشت گردوں کے لیے سرحد کھولنے سے نقصان ہوا، نائب وزیراعظم اسحاق ڈار کا کوالالمپور میں پاکستانی کمیونٹی کی تقریب سے خطاب

فائنل میں پہنچنے کے امکانات

بھارت سے شکست کے بعد پاکستان کیلئے فائنل میں پہنچنا مشکل نظر آ رہا ہے۔

پاکستان کو فائنل تک پہنچنے کیلئے اپنے دونوں اگلے میچ جیتنے ہوں گے. ایک میچ بھی ہارنے کی صورت میں پاکستان ٹورنامنٹ سے باہر ہو جائے گا۔

اگلا میچ

پاکستان کا اگلا ٹاکرا کل 23 ستمبر بروز منگل سری لنکا سے ہو گا جبکہ دوسرا میچ 25 ستمبر کو بنگلہ دیش کے خلاف ہو گا۔

یہ دونوں ٹیمیں سپر فور مرحلے میں ایک دوسرے کا سامنا کر چکی ہیں، جس میں بنگلہ دیش نے سری لنکا کو ہرا دیا تھا۔ شکست کے باوجود سری لنکا 6 پوائنٹس کے ساتھ اس وقت ٹورنامنٹ کی دوسری مضبوط ترین ٹیم ہے۔