پیکاترمیمی ایکٹ کے تحت لاہور پریس کلب کے صدر ارشد انصاری کو نوٹس جاری ہونے پر حامد میر کا موقف آگیا۔

لاہور (ویب ڈیسک) نیشنل سائبرکرائم انویسٹی گیشن ایجنسی نے پیکاترمیمی ایکٹ کے تحت لاہور پریس کلب کے صدر ارشد انصاری کو پہلا نوٹس جاری کردیا ہے۔ سینئر صحافی حامد میر نے اس بارے میں کہا کہ وزیر قانون اعظم نذیر تارڑ نے بغیر بحث کے پارلیمنٹ سے پیکا ترمیمی ایکٹ منظور کرایا اور دعویٰ کیا کہ اس قانون سے صحافیوں کو کوئی خطرہ نہیں۔ اب اسی قانون کے تحت ارشد انصاری کو نوٹس جاری کیا گیا ہے، جس پر تمام صحافتی اور وکلاء تنظیمیں آج لاہور ہائیکورٹ میں پریس کانفرنس کریں گی۔

وزیر قانون اعظم نذیر تارڑ نے بغیر بحث کے پارلیمنٹ سے پیکا ترمیمی ایکٹ منظور کرایا اور کہا کہ اس قانون سے صحافیوں کو کوئی خطرہ نہیں۔ اس قانون کے تحت لاہور پریس کلب کے صدر ارشد انصاری کو نوٹس جاری کر دیا گیا ہے، جس پر تمام صحافتی و وکلا تنظیمیں آج صبح 11 بجے لاہور ہائیکورٹ میں پریس کانفرنس کریں گی۔ pic.twitter.com/2zYzlFwlv2

— Hamid Mir حامد میر (@HamidMirPAK) September 21, 2025

نوٹس کی تفصیلات

ارشد انصاری کو یہ نوٹس 19 ستمبر کو عزیزاللہ خان نامی شخص کی شکایت پر جاری کیا گیا، جس میں ان پر پولیس افسران اور شکایت کنندہ کے خلاف ہتک آمیز مہم چلانے کا الزام لگایا گیا ہے۔