مسئلہ فلسطین کے حوالے سے سعودی وزیر خارجہ کا اہم بیان آگیا

سعودی وزیر خارجہ کا اہم بیان

ریاض (مانیٹرنگ ڈیسک) مسئلہ فلسطین کے حوالے سے سعودی وزیر خارجہ شہزادہ فیصل بن فرحان کا اہم بیان آگیا۔

یہ بھی پڑھیں: کوتھم پاکستان کی جانب سے سول ایوارڈ حاصل کرنے والے سینئر صحافیوں کے اعزاز میں پروقار ظہرانہ، اہم شخصیات کی شرکت

فلسطین کا منصفانہ حل

تفصیلات کے مطابق سعودی عرب کے وزیر خارجہ شہزادہ فیصل بن فرحان نے ایک بار پھر واضح کیا ہے کہ مسئلہ فلسطین کا منصفانہ حل ہماری اولین ترجیح ہے۔ مملکت فلسطینی عوام کی مشکلات کے خاتمے اور جاری پرتشدد چکر کو روکنے کے لیے مسلسل کوششیں جاری رکھے گی۔ انہوں نے زور دیا کہ فلسطین کا مسئلہ سعودی عرب کی اولین ترجیحات میں شامل ہے اور ہر بین الاقوامی فورم پر مملکت اس پر اپنا مؤقف بھرپور انداز میں پیش کرتی ہے۔

یہ بھی پڑھیں: قومی اسمبلی: غزہ میں اسرائیلی مظالم کے خلاف قرار داد متفقہ طور پر منظور

امن کی کوششیں

’’جنگ‘‘ کے مطابق شہزادہ فیصل بن فرحان نے کہا کہ سعودی عرب ایک منصفانہ حل کے لیے اپنی تمام تر توانائیاں بروئے کار لائے گا، جس کا آغاز آزاد فلسطینی ریاست کے قیام سے ہوگا۔ ان کا کہنا تھا کہ اس کا مقصد خطے میں جامع اور پائیدار امن قائم کرنا ہے۔ یہ بات انہوں نے سعودی پریس ایجنسی ’’واس‘‘ سے گفتگو کرتے ہوئے کہی۔

اقوام متحدہ کی جنرل اسمبلی میں شرکت

اسی تناظر میں انہوں نے بتایا کہ اس سال سعودی عرب اقوام متحدہ کی جنرل اسمبلی کے اعلیٰ سطحی اجلاس میں امن اور انصاف کا پیغام لے کر شریک ہو رہا ہے۔ مملکت نے اپنے بانی شاہ عبدالعزیز کے دور سے لے کر آج تک اور موجودہ خادم حرمین شریفین شاہ سلمان بن عبدالعزیز اور ولی عہد و وزیراعظم شہزادہ محمد بن سلمان کی قیادت میں ہمیشہ امن کے قیام، مکالمے کو فروغ دینے اور پرامن حل تلاش کرنے میں سبقت لی ہے۔